മാധവിന്റെ ഫോട്ടോയ്‌ക്കൊപ്പം ചിരിച്ച് പോസ് ചെയ്ത് പ്രിയ; വെറലായി ചിത്രങ്ങൾ! എന്റെ ഗുരു കൂടിയായ ഔസേപ്പച്ചൻ സാറാണ് ഈ ആൽബം കംപോസ് ചെയ്തതെന്നും മാധവ് കുറിച്ചിരുന്നു. മാർച്ച് 16 ന് ആൽബം റിലീസ് ചെയ്യുമെന്നും അദ്ദേഹം വ്യക്തമാക്കിയിരുന്നു.
ഗോപി സുന്ദറിന്റെയും പ്രിയയുടെയും മകനായ മാധവ് സുന്ദർ പ്രേക്ഷകർക്ക് പരിചിതനാണ്. അച്ഛനും അമ്മയും വേർപിരിഞ്ഞതും, അച്ഛനെക്കുറിച്ചുള്ള തുറന്നുപറച്ചിലുകളുമൊക്കെ ചർച്ചയായിരുന്നു. ഇൻസ്റ്റഗ്രാമിലൂടെയായി പങ്കിടുന്ന വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുണ്ട്. ഇപ്പോഴിതാ തന്റെ ആദ്യ ആൽബം സോംഗിന്റെ വിശേഷങ്ങളാണ് മാധവ് പങ്കുവെച്ചിട്ടുള്ളത്. പാട്ട് മാത്രമല്ല സ്‌ക്രീനിലും മുഖം കാണിച്ചിരിക്കുകയാണ് മാധവ്. നല്ലൊരു മെലഡി ഗാനം എന്നായിരുന്നു പാട്ട് കണ്ടവരെല്ലാം പറഞ്ഞത്.
ഇതൊരു തുടക്കമാവട്ടെ, മോനെ പൊളിച്ചു, പ്രൗഡ് ഓഫ് യൂ തുടങ്ങി നിരവധി കമന്റുകളാണ് വീഡിയോയുടെ താഴെയുള്ളത്. ഈ സമയം ഞാൻ കടന്നുപോവുന്ന മാനസികാവസ്ഥ ഏതാണെന്ന് പറഞ്ഞറിയിക്കാൻ പറ്റുന്നില്ല. പാടാനും അതിനൊപ്പമായി സ്‌ക്രീനിൽ മുഖം കാണിക്കാനും കഴിഞ്ഞതിൽ സന്തോഷം, അതും ഔസേപ്പച്ചൻ സാറിന്റെ ഗാനത്തിന്. കൃത്യമായ വഴിയിലൂടെ തന്നെ സഞ്ചരിക്കാനാവുന്നതിൽ സന്തോഷമുണ്ടെന്നുമായിരുന്നു മുൻപൊരു പോസ്റ്റിൽ മാധവ് കുറിച്ചത്.ഞങ്ങൾ എന്നും അമ്മയ്‌ക്കൊപ്പമാണ്. അച്ഛൻ തിരിച്ചുവരുമെന്ന പ്രതീക്ഷ ഇല്ല ഞങ്ങൾക്ക്. ആ മടങ്ങി വരവ് ഞങ്ങളാരും ആഗ്രഹിക്കുന്നില്ലെന്നും മകൻ പറഞ്ഞിരുന്നു. അച്ഛന്റെ കാര്യങ്ങളിലൊന്നും ഞങ്ങൾ അഭിപ്രായം പറയാറില്ല. അമ്മയോടാണ് കൂടുതൽ അടുപ്പം. എല്ലാം പറയാറുള്ളതും അമ്മയോടാണ്.
ഡ്രൈവിംഗ് പഠിപ്പിച്ചത് അച്ഛനാണ്. അദ്ദേഹത്തിന് ഡ്രൈവിംഗ് ഏറെ ഇഷ്ടമുള്ള കാര്യമാണ്. അതുകൊണ്ട് തന്നെ അദ്ദേഹം ഡ്രൈവിംഗ് പഠിപ്പിച്ചിരുന്നു. അച്ഛൻ ചെയ്ത ഒരേയൊരു നല്ലകാര്യം അതാണെന്നുമായിരുന്നു മാധവ് പറഞ്ഞത്. തന്റെ ഗുരുവായ ഔസേപ്പച്ചനൊപ്പം മാധവും ഒന്നിച്ചപ്പോൾ സന്തോഷം പങ്കുവെച്ച് ഗോപി സുന്ദർ എത്തിയിരുന്നു. ഗുരുജിക്കൊപ്പം മകനെയും കാണാനായതിൽ സന്തോഷം. അച്ഛനെന്ന നിലയിൽ മകനെക്കുറിച്ച് അഭിമാനം എന്നും അന്ന് അദ്ദേഹം കുറിച്ചിരുന്നു. തന്റെ മുഖം വെച്ചുള്ള കട്ടൗട്ടിന് മുന്നിലായി അമ്മ ഫോട്ടോയ്ക്ക് പോസ് ചെയ്ത സന്തോഷവും മാധവ് പങ്കുവെച്ചിരുന്നു.
പ്രൗഡ് മമ്മി എന്നായിരുന്നു ചിത്രത്തിന് ക്യാപ്ഷൻ കൊടുത്തത്. ഈ ചിത്രവും ഇതിനകം വൈറലായിക്കഴിഞ്ഞിട്ടുണ്ട്. യാതൊരുവിധ കുറവുകളും അറിയിക്കാതെയാണ് അമ്മ ഞങ്ങളെ വളർത്തിയതെന്ന് നേരത്തെ മാധവ് വ്യക്തമാക്കിയിരുന്നു. അച്ഛനെപ്പോലെയാവണമെന്ന് ഞാനൊരിക്കലും ആഗ്രഹിക്കില്ല. അദ്ദേഹത്തിന്റെ മോശം സ്വഭാവങ്ങളൊന്നും എന്നെ ബാധിക്കില്ല എന്നും മകൻ തുറന്നുപറഞ്ഞിരുന്നു.
Find out more:
click and follow Indiaherald WhatsApp channel