ഞാൻ ആഗ്രഹിച്ചത് അഞ്ചു കുട്ടികൾ, പക്ഷെ മൂന്നിൽ നിർത്തേണ്ടി വന്നു! സൗത്ത് ഇന്ത്യൻ സിനിമയിലെ മുൻനിര ഗ്ലാമർ നായികയായി നിറഞ്ഞു നിൽക്കുമ്പോഴാണ് നടിയുടെ വിവാഹം കഴിഞ്ഞത്. ഇന്ദ്രകുമാർ പത്മനാഥനുമായുള്ള വിവാഹത്തിന് ശേഷം സിനിമ പാടേ ഉപേക്ഷിച്ച നടി കാനഡയിലേക്ക് പോയി. കാനഡയിൽ കുടുംബ ജീവിതത്തിന്റെ തിരക്കുകളിലായിരുന്നു നടി. ഇപ്പോൾ ചെന്നൈയിലേക്ക് തിരിച്ചെത്തി, ബിസിനസ്സും കാര്യങ്ങളുമായി ചെന്നൈയിൽ സെറ്റിൽഡ് ആണ്. തനിക്ക് കുടുംബം എത്രത്തോളം പ്രധാനമാണ് എന്നും, അഭിനയം നിർത്തിയതിൽ തെല്ലും കുറ്റബോധമില്ല എന്നും രംഭ പറയുന്നു.സർഗം എന്ന മലയാള സിനിമയിൽ അഭിനയാരങ്ങേറ്റം കുറിച്ച രംഭയുടെ അഭിനയ ജീവിതം ആരെയും അത്ഭുതപ്പെടുത്തുന്നതായിരുന്നു.
മൂന്ന് പ്രസവം, മൂന്നും സി സെക്ഷൻ, അപ്പോൾ പോസ്റ്റ് പാർട്ടം ഡിപ്രഷൻ ഒന്നും ഉണ്ടായിരുന്നില്ലേ എന്ന ചോദ്യത്തിന്, ആ വാക്കൊക്കെ ഞാൻ ഇപ്പോഴാണ് കേൾക്കുന്നത് എന്നാണ് രംഭ പറഞ്ഞത്. എനിക്ക് ഡിപ്രഷൻ എന്തെങ്കിലും ഉണ്ടായിരുന്നോ എന്ന് ഭർത്താവിനോട് ചോദിച്ചപ്പോൾ നീ എപ്പോഴും അങ്ങനെയാണെന്നാണ് അദ്ദേഹം പറഞ്ഞത്. എന്നെ സംബന്ധിച്ച് ചുറ്റും എപ്പോഴും ആളുകളുണ്ടായിരുന്നു, ഒറ്റയ്ക്കായ അവസ്ഥയുണ്ടായിരുന്നില്ല. അതുകൊണ്ട് ഡിപ്രഷനും അനുഭവിച്ചിട്ടില്ല- രംഭ പറഞ്ഞു. എന്റെ ഭർത്താവിന്റെ അമ്മയ്ക്ക് അഞ്ച് ആൺമക്കളാണ്. എനിക്കും നാല് - അഞ്ച് മക്കൾ വേണം എന്നായിരുന്നു ആഗ്രഹം. പക്ഷേ മൂന്നിൽ നിർത്തേണ്ടി വന്നു, മൂന്നും സി സെക്ഷൻ ആയിരുന്നു, അതുകൊണ്ട് ഇനി പറ്റില്ല എന്ന് ഡോക്ടർ പറഞ്ഞു. എന്റെ മൂന്ന് മക്കളും നല്ലതാണ്, മൂത്തയാൾ കുറച്ചധികം ഉത്തരവാദിത്വങ്ങൾ എല്ലാം ഏറ്റെടുത്ത് പെരുമാറും- രംഭ പറഞ്ഞു.
വിവാഹത്തിന് ശേഷം അഭിനയിക്കണമെങ്കിൽ അഭിനയിക്കാം, ബ്രാന്റ് അംബാസിഡർ ആവണമെങ്കിൽ അത് ചെയ്യാം എല്ലാം നിന്റെ താത്പര്യമാണ് എന്നാണ് ഭർത്താവ് പറഞ്ഞത്. പക്ഷേ എന്നെ സംബന്ധിച്ച് മനോഹരമായ ഒരു കുടുംബ ജീവിതം വേണം എന്നായിരുന്നു ആഗ്രഹം. ഇത്രയും കാലം അഭിനയിച്ചു, ഇനി ഭർത്താവും മക്കളുമൊക്കെയായി സന്തോഷത്തോടെ ജീവിക്കണം എന്ന് ഞാൻ ആഗ്രഹിച്ചു, അതുപോലെ ജീവിച്ചു. കാനഡയിൽ ഞാൻ തിരക്കിലായിരുന്നു. അയ്യോ സ്റ്റാർഡം പോയി എന്നൊന്നുമുള്ള ചിന്ത ഉണ്ടായിരുന്നില്ല. വർക്ക് ചെയ്യുന്നുണ്ടായിരുന്നു, വീട്ടിലെ കാര്യങ്ങൾ നോക്കുന്നുണ്ടായിരുന്നു, അത് കഴിഞ്ഞ് വീക്കെന്റിൽ കറങ്ങാൻ പോകും. ചുരുക്കത്തിൽ സമയമേ ഉണ്ടായിരുന്നില്ല.
Find out more:
click and follow Indiaherald WhatsApp channel