യുപിയിൽ മത്സരിക്കുന്നത് എന്തിനെന്ന് പറഞ്ഞ് ഒവൈസി, 100 സീറ്റിൽ മത്സരിച്ചേക്കില്ല! പ്രശ്നങ്ങൾ ചർച്ച ചെയ്യാൻ മുഖ്യമന്ത്രി യോഗി ആദിത്യനാഥ് ഡൽഹിയിലെത്തി അമിത് ഷായുമായി കൂടിക്കാഴ്ച നടത്തിയിരുന്നു. കൊവിഡ് വ്യാപനം നിയന്ത്രിക്കുന്നതിലെ വീഴ്ചയും ഗംഗാനദിയിൽ മൃതദേഹങ്ങൾ ഒഴുകിയ സംഭവങ്ങളിലും പാർട്ടി എംഎൽഎമാരും എംപിമാരും യോഗി സർക്കാരിനെതിരെ രംഗത്തുവന്ന സാഹചര്യത്തിൽ കൂടിയാണ് യോഗി അമിത് ഷായെ കണ്ടത്. പാർട്ടിയിൽ വിഭാഗീയത തുടരുന്നതിനിടെ അസാദുദ്ദീൻ ഒവൈസിയുടെ പാർട്ടിയായ ആൾ ഇന്ത്യ മജ്‌ലിസെ ഇത്തിഹാദുൽ മുസ്ലീ നിയമസഭ തെരഞ്ഞെടുപ്പിൽ ഉത്തർപ്രദേശിൽ ബിജെപിയുടെ കുതിപ്പ് ഇത്തവണയും ഉണ്ടാകുമോ എന്ന ചോദ്യം വിവിധ കോണുകളിൽ നിന്ന് ഉയരുന്നുണ്ട്.
അടുത്തവർഷം തെരഞ്ഞെടുപ്പ് നടക്കാനിരിക്കെ യുപി ബിജെപി ഘടകത്തിൽ പ്രശ്നങ്ങൾ രൂക്ഷമാണ്. ടൈംസ് ഓഫ് ഇന്ത്യക്ക് നൽകിയ അഭിമുഖത്തിലാണ് അദ്ദേഹം കൂടുതൽ വിവരങ്ങൾ വ്യക്തമാക്കിയത്. കൊവിഡിനെ ഫലപ്രദമായി നേരിടുന്നതിൽ യോഗി സർക്കാർ പരാജയപ്പെട്ടു. തൊഴിലില്ലായ്മ സംസ്ഥാനത്ത് രൂക്ഷമാണ്. കൊവിഡ് മഹാമാരി തിരിച്ചടിയിൽ ഭർത്താവ് മരിച്ചതോടെ നിരവധി സ്ത്രീകൾ അനാഥരായി. നിരവധി കുട്ടികളും അനാഥരായി. നിയമസഭാ തെരഞ്ഞെടുപ്പിൽ യോഗിക്ക് നേരിടേണ്ടിവരുക ഇവരെയാണെന്നും ഒവൈസി തുറന്നടിച്ചു. യോഗി ആദിത്യനാഥ് സർക്കാരിനെ താഴെയിറക്കുകയെന്ന ലക്ഷ്യത്തോടെയാണ് അടുത്ത വർഷം നടക്കുന്ന നിയമസഭാ തെരഞ്ഞെടുപ്പിൽ എ.ഐ.എം.ഐ.എം മത്സരിക്കുന്നതെന്ന് അസാദുദ്ദീൻ ഒവൈസി വ്യക്തമാക്കി. നൂറ് സീറ്റുകളിൽ മത്സരിക്കുമെന്ന് ഒവൈസി മുൻപ് വ്യക്തമാക്കിയിരുന്നു.
എന്നാൽ ഓം പ്രകാശ് രാജ്ബ്ബർ നയിക്കുന്ന സുഹൽദേവ് ഭാരതീയ സമാജ് പാർട്ടിയുടെ (എസ് ബി എസ് പി) നേതൃത്വത്തിലുള്ള ബഗിധരി സങ്കല്പ് മോർച്ച സഖ്യത്തിൻ്റെ ഭാഗമാണ് ഒവൈസിയുടെ പാർട്ടി. പത്തോളം പാർട്ടികളുള്ള സഖ്യത്തിൽ നിലനിൽക്കുമ്പോഴാണ് 100 സീറ്റിൽ മത്സരിക്കുമെന്ന പ്രഖ്യാപനം ഒവൈസി നടത്തിയത്. എ.ഐ.എം.ഐ.എയുടെ നിലപാടിനെ രാജ്ബ്ബർ പരോക്ഷമായി വിമർശിച്ചിരുന്നു. ഈ സാഹചര്യത്തിൽ രാജ്ബ്ബറുമായി ചർച്ച നടത്തുമെന്നും ചിലപ്പോൾ 100 സീറ്റുകളിൽ മത്സരിച്ചേക്കും. ചിലപ്പോൾ 100 സീറ്റുകൾ എന്ന നമ്പറിൽ കുറവുണ്ടാകാനും സാധ്യതയുണ്ടെന്ന് എ.ഐ.എം.ഐ.എം വ്യക്തമാക്കി. യുപിയിൽ ബിജെപി സർക്കാരിനെ താഴെയിറക്കാൻ സഖ്യം ചേരാൻ മടിയില്ലെന്ന സൂചന എ.ഐ.എം.ഐ.എം നൽകി.
ഒരു സംസ്ഥാനത്ത് ആദ്യമായി മത്സരിക്കാൻ പദ്ധതിയിടുമ്പോൾ കുറച്ച് സീറ്റുകളിൽ മാത്രമാകും ആദ്യഘട്ടത്തിൽ മത്സരിക്കുക. അതത് നാട്ടിലെ രാഷ്ട്രീയ സ്വാധീനം ഒരു കാരണമാണ്. ബംഗാളിൽ പ്രവർത്തനം ശക്തമാക്കാനുള്ള പ്രവർത്തനം ആരംഭിച്ചു. എന്നാൽ യുപിയിലെ കാര്യം അങ്ങനെയല്ല. യുപിയിൽ ഞങ്ങൾക്ക് ഇപ്പോൾ ശക്തമായ സംഘടനാ സംവിധാനമുണ്ട്. കൂടാതെ, 80 ഓളം അസംബ്ലി സീറ്റുകളിലെ നൂറ് ശതമാനം ബൂത്തുകളിൽ സാന്നിധ്യമുണ്ട്. കഴിഞ്ഞ അഞ്ച് വർഷത്തിനിടെ മുനിസിപ്പൽ കോർപ്പറേഷനിലടക്കം സ്വാധീനമുണ്ടാക്കാനായെന്നും എ.ഐ.എം.ഐ.എം പറഞ്ഞു. പശ്ചിമ ബംഗാളിലെ എല്ലാ സീറ്റുകളിലും മത്സരിക്കുമെന്ന് വ്യക്തമാക്കിയ ശേഷം ഏഴ് സീറ്റുകളിൽ മാത്രം മത്സരിക്കേണ്ട വന്ന സാഹചര്യവും എ.ഐ.എം.ഐ.എം വിശദീകരിച്ചു.
2014ലിലും 2019ലും യുപിയിൽ മതേതര പാർട്ടികൾക്ക് കനത്ത തിരിച്ചടി കിട്ടിയത് ചൂണ്ടിക്കാണിച്ചാണ് ഒവൈസി ഇത് സംബന്ധിച്ച നിലപാടുകൾ തള്ളിക്കളഞ്ഞത്. മതേതര വോട്ടുകൾ വിഭജിച്ചതിന് ഞങ്ങളെ കുറ്റപ്പെടുത്തുന്നത് വഞ്ചനയാണ്. യുപിയിൽ മുസ്ലീം വിഭാഗത്തിന് അർഹമായ പ്രാധാന്യവും വിഹിതവും ലഭിക്കുന്നില്ല എന്നത് എടുത്തുകാണിക്കുന്നതിൽ എന്താണ് തെറ്റ്. സംസ്ഥാനത്തെ 58 ശതമാനം മുസ്‌ലിംകളും നിരക്ഷരരാണ്. എന്നാൽ ഭൂരിപക്ഷ സമുദായത്തിന്റെ സാക്ഷരതാ നിരക്ക് 70 ശതമാനമാണെന്നും ഒവൈസി പറഞ്ഞു. സാക്ഷരതാ നിരക്കിൽ മുസ്ലീം വിഭാഗം പിന്നോട്ട് പോയതിൽ ഞാനാണോ ഉത്തരവാദി. മുസ്ലീം വിഭാഗത്തിൻ്റെ പിന്തുണ ലഭിച്ച പാർട്ടികളും അവരുടെ നേതാക്കളുമാണ് ഇതിന് മറുപടി നൽകേണ്ടതെന്നും അദ്ദേഹം പറഞ്ഞു.
Find out more:
click and follow Indiaherald WhatsApp channel