ഡിസിസി പട്ടികയിൽ സ്ത്രീകൾക്ക് പരിഗണന നൽകേണ്ടിയിരുന്നു; വിമർശനവുമായി ബിന്ദു കൃഷ്ണ! ലോകമെങ്ങും വളർന്നുവരുന്ന സ്ത്രീപക്ഷ രാഷ്ട്രീയം കാണാതെ പോകരുതെന്നും ബിന്ദു പറഞ്ഞു. നിയമപരമല്ലാതെ സ്ത്രീകൾക്ക് പ്രതിനിധ്യം നൽകാൻ എല്ലാ രാഷ്ട്രീയ പാർട്ടികളും തയ്യാറാകണമെന്നും അവർ പറഞ്ഞു. ഡിസിസി അധ്യക്ഷ പദവിയിലേക്ക് സ്ത്രീകളെക്കൂടി പരിഗണിക്കേണ്ടിയിരുന്നുവെന്ന് ബിന്ദു കൃഷ്ണ. പാർട്ടി ഏൽപ്പിക്കുന്ന എന്ത് ഉത്തരവാദിത്വവും പൂർണ്ണ മനസോടെ ഏറ്റെടുക്കുമെന്ന് കൊല്ലം ഡിസിസി മുൻ പ്രസിഡന്റ് ബിന്ദു കൃഷ്ണ പറഞ്ഞു. താൻ ഡിസിസി പ്രസിഡന്റായ ശേഷമാണ് കൊല്ലത്തെ കോൺഗ്രസ് ശക്തിപ്രാപിച്ചത്. ജില്ലയിലെ അടിത്തറ ദുർബലമായിരുന്നു. പാർട്ടിയെ ശക്തിപ്പെടുത്താൻ പ്രവർത്തകരുടെ പിന്തുണ ഉണ്ടായിരുന്നുവെന്നും അവർ പറഞ്ഞു. അഞ്ച് വർഷത്തെ പ്രവർത്തനത്തിനു ശേഷം കൊല്ലം ഡിസിസി പ്രസിഡന്റ് സ്ഥാനം ഒഴിയവെയാണ് ബിന്ദുവിന്റെ പ്രതികരണം.
അതേസമയം, കോൺഗ്രസിലെ ആഭ്യന്തര പ്രശ്നങ്ങൾ ഘടക കക്ഷികൾക്ക് ആശങ്ക ഉണ്ടാക്കുന്നത് സ്വാഭാവികമാണെന്ന് കെപിസിസി പ്രസിഡന്റ് കെ സുധാകരൻ പറഞ്ഞു. ആർഎസ്പി നേതാവ് ഷിബു ബേബി ജോൺ കോൺഗ്രസിനെതിരെ വിമർശനം ഉന്നയിച്ചതിന്റെ പശ്ചാത്തലത്തിലാണ് സുധാകരന്റെ പ്രതികരണം.
കേരളത്തിൽ രണ്ട് സ്ത്രീകൾക്ക് മാത്രമാണ് ഡിസിസി അധ്യക്ഷ പദവി ലഭിച്ചിട്ടുള്ളത്. ബിന്ദുവിനു മുമ്പ്, കോൺഗ്രസ് നേതാവായിരുന്ന കുളങ്ങര കുഞ്ഞുകൃഷ്ണന്റെ മരണത്തെത്തുട‍ർന്ന് അദ്ദേഹത്തിന്റെ ഭാര്യ സരസ്വതി കുഞ്ഞുകൃഷ്ണൻ 1982-ൽ കൊല്ലം ഡിസിസി പ്രസിഡന്റ് ആയിരുന്നു.എന്നാൽ ഡിസിസി പട്ടികയുമായി ബന്ധപ്പെട്ട വിവാദങ്ങൾ അടഞ്ഞ അധ്യായമാണെന്ന് പ്രതിപക്ഷ നേതാവ് വി ഡി സതീശൻ പറഞ്ഞു. കോൺഗ്രസിലെ ആഭ്യന്തര വിഷയങ്ങളിൽ കെപിസിസി പ്രസിഡൻ്റ് പറയുന്നതാണ് അന്തിമ നിലപാട്. നേതാക്കളെല്ലാം ചേർന്ന് കൂടിയാലോചിച്ച ശേഷമാണ് തീരുമാനം അധ്യക്ഷൻ പങ്കുവയ്ക്കുന്നതാണ് പാർട്ടി നിലപാട്.
അതിനൊപ്പമാണ് താൻ നിലകൊള്ളുകയെന്നും പ്രതിപക്ഷ നേതാവ് വ്യക്തമാക്കി. ഷിബു ബേബി ജോൺ സദുദ്ദേശത്തോടെയാണ് ആരോപണമുന്നയിച്ചതെന്നാണ് കരുതുന്നത്. അത് അവരുമായി ചർച്ച ചെയ്യുമെന്നും സുധാകരൻ പറഞ്ഞു. നിയമസഭ തെരഞ്ഞെടുപ്പിലെ തോൽവിയിൽ യുഡിഎഫ് ഉഭയകക്ഷി ചർച്ചയ്ക്ക് തയ്യാറാകാത്തതിനെതിരെ ആർഎസ്പി പരസ്യമായി രംഗത്തെത്തിയിരുന്നു. ഉഭയകക്ഷി ചർച്ച ആവശ്യപ്പെട്ട് ആർഎസ്പി കത്ത് നൽകി 40 ദിവസം കഴിഞ്ഞിട്ടും നടപടി ഇല്ലാത്ത സാഹചര്യത്തിൽ യുഡിഎഫ് യോഗത്തിൽ പങ്കെടുക്കേണ്ടെന്നായിരുന്നു പാർട്ടി തീരുമാനിച്ചത്. ഇതിന് പിന്നാലെ കോൺഗ്രസിനെതിരെ വിമർശനവുമായി ഷിബു ബേബി ജോണും രംഗത്തെത്തിയിരുന്നു.
കോൺഗ്രസിലെ ആഭ്യന്തര പ്രശ്നങ്ങൾ തങ്ങൾ പരിഹരിക്കുമെന്നും അക്കാര്യത്തിൽ എകെജി സെൻ്ററിൽ നിന്നുള്ള ഉപദേശം വേണ്ടെന്നും വി ഡി സതീശൻ പറഞ്ഞു. സിപിഎമ്മിൽ എന്താണ് നടക്കുന്നതെന്നും വി ഡി സതീശൻ ചോദിച്ചു. എന്താണ് നടക്കുന്നത് എല്ലാവരും ആത്‌മപരിശോധന നടത്തണം. ഇപ്പോൾ ആലപ്പുഴയിൽ ജി സുധാകരനോട് ചെയ്യുന്നത് എന്താണ്. ഇഷ്ടക്കാരെയും ഇഷ്ടമില്ലാത്തവരേയും പലരീതിയിൽ കൈകാര്യം ചെയ്തിട്ട് ബാക്കിയുള്ളവരെ ഉപദേശിക്കേണ്ട. കോൺഗ്രസിലെ ആഭ്യന്തര കാര്യങ്ങൾ ഞങ്ങൾ പരിഹരിച്ചോളാമെന്നും സതീശൻ പറഞ്ഞു.
Find out more:
click and follow Indiaherald WhatsApp channel