നിങ്ങൾ മുസ്ലിയാരെന്ന് വിളിക്കുന്നതുപോലെയല്ല ഞങ്ങൾ പിതാവെന്ന് വിളിക്കുന്നത്; പി സി ജോർജ്ജ്! നിങ്ങൾ മുസ്ലിയാരെന്ന് വിളിക്കുന്നതുപോലെയല്ല ഞങ്ങൾ ബിഷപ്പിനെ പിതാവെന്ന് വിളിക്കുന്നത്. അപ്പന്റെ സ്ഥാനമാണ് പിതാവിനെന്നും ജോർജ്ജ് പറഞ്ഞു. ഇന്ത്യയിലെ ക്രിസ്ത്യാനികൾ മതപരിവർത്തനം ചെയ്യപ്പെട്ട ഹിന്ദുക്കളാണ്. അല്ലാതെ അറേബ്യയിൽ നിന്നോ ഇംഗ്ലണ്ടിൽ നിന്നോ വന്നതല്ലെന്നും ജോർജ്ജ് പറഞ്ഞു. പാലാ ബിഷപ്പ് ജോസഫ് കല്ലറങ്ങാട്ടിന് പിന്തുണ അറിയിച്ച് പാലാ ബിഷപ്പ് ഹൗസിനു മുന്നിൽ നടന്ന പ്രതിഷേധ പരിപാടിയിൽ വിദ്വേഷ പ്രസംഗവുമായി പി സി ജോർജ്ജ്. പത്ത് വർഷംകൊണ്ട് കേരളം മുസ്ലിം രാഷ്ട്രമാക്കുമെന്ന് ഒരു മുസൽമാൻ പ്രസംഗിക്കുകയാണ്. അവനെ പിടിക്കണ്ടേ? ഭരണഘടനാ വിരുദ്ധമല്ലേ അവൻ പറഞ്ഞത്. അവൻ ഏതോ ഒരു മുസ്ലിയാരാണെന്ന് പറയുന്നു. ഇവൻ ആരെടാ? നമ്മടെയൊക്കെ പിടിച്ച് ചെത്തിക്കളയുമെന്നാണോ ഇവനൊക്കെ പറയുന്നത്. ഇങ്ങനെയൊന്നും പറയരുത്. ഞങ്ങൾ അങ്ങനെ ചിന്തിക്കുന്നവരല്ല.
ഞങ്ങക്ക് അതിന്റെ ആവശ്യമില്ല. മേലിൽ ഇതുപോലുള്ള പ്രവർത്തനം ഉണ്ടാകാൻ പാടില്ല- പിസി ജോർജ്ജ് പറഞ്ഞു. നിങ്ങൾ മുസ്ലിയാരെന്ന് വിളിക്കുന്നതുപോലെയല്ല. ഞങ്ങൾ പിതാവെന്നാ വിളിക്കുന്നത്. അപ്പന്റെ സ്ഥാനമാണ് പിതാവിന്. ക്രൈസ്തവരെ സംബന്ധിച്ചിടത്തോളം ആത്മീയ പിതാവാണ്, സ്വന്തം അപ്പനാണ് കല്ലറങ്ങാട്ട് പിതാവ്. അത് നിങ്ങൾ അറിഞ്ഞിരിക്കണം. ഇവിടെയുള്ള ക്രിസ്ത്യാനികൾ എന്നു പറയുന്നത് മതപരിവർത്തനം ചെയ്യപ്പെട്ടവരാണ്. നല്ല ഹിന്ദുക്കളാണ് നമ്മളൊക്കെ. യാതൊരു സംശയവുമില്ല. ഇവിടുത്തെ ക്രിസ്ത്യാനി എന്നു പറയുന്നത് ഭാരതീയരാണെന്നാണ് ഞാൻ പറഞ്ഞത്. അല്ലാതെ അറേബ്യയിൽ നിന്നു വന്നതോ, ഇംഗ്ലണ്ടിൽ നിന്നു വന്നതോ അല്ല. ഭാരതത്തിന്റെ സംസ്കാരം ഉൾക്കൊള്ളുന്നവരാണ് കേരളത്തിലെ ക്രിസ്ത്യാനി- ജോർജ്ജ് പറയുന്നു. ഭാരതത്തിന്റെ സംസ്കാരം ഉൾക്കൊണ്ടുകൊണ്ടായിരിക്കും ക്രൈസ്തവ സഭ മുന്നോട്ടു പോകുന്നത്. ഇവിടുത്തെ ഹൈന്ദവ സംഘടനകളുമായി യോജിച്ചായിരിക്കും ഞങ്ങളുടെ മുന്നോട്ടുള്ള പ്രയാണം.
ഞങ്ങൾക്ക് സംഘടന ഇല്ലെന്നാണ് പറയുന്നത്. എന്നാൽ സിസ്റ്റമാറ്റിക്കായ സംഘടനയാക്കി മാറ്റാൻ പോകുകയാണ്. കാസർഗോഡ് മുതൽ തിരുവനന്തപുരം വരെയുള്ള പള്ളികളേയും പിതാക്കന്മാരെയും ബന്ധപ്പെട്ടുകൊണ്ട് സംഘടനയെ ശക്തിപ്പെടുത്തും. എസ്ഡിപിഐ ഉൾപ്പെടെയുള്ള ഭീകരന്മാരോട് എനിക്ക് വലിയ സ്നേഹം തോന്നുന്നു. ഇപ്പോഴെങ്കിലും ഞങ്ങൾക്ക് യോജിക്കാൻ അവസരം ഒരുക്കി തന്നതിന് ഞങ്ങൾക്ക് നന്ദിയുണ്ട്- ജോർജ്ജ് വ്യക്തമാക്കി. ക്രിസ്ത്യാനിയെ സംബന്ധിച്ചിടത്തോളം ഭാരതം ഞങ്ങളുടെ മാതാവാണ്. യാതൊരു തർക്കവും വേണ്ട. മുസ്ലിം ഐക്യവേദിയും പിഡിപിയുമാണ് മാർച്ച് നടത്തിയത്. മാർച്ച് ബാരിക്കേഡ് ഉപയോഗിച്ച് തടഞ്ഞു. ബിഷപ്പിനെതിരെ നടപടി സ്വീകരിച്ചില്ലെങ്കിൽ പ്രതിഷേധം ശക്തമാക്കുമെന്ന് സംഘടനകൾ മുന്നറിയിപ്പ് നൽകി. ശനിയാഴ്ച വൈകിട്ട് നാല് മണിക്കാണ് മാർച്ച് നടന്നത്.
ബിഷപ്പ് ഹൗസിന് 200 മീറ്റ‍ർ അകലെ ബാരിക്കേഡ് ഉപയോഗിച്ച് പോലീസ് മാർച്ച് തടഞ്ഞു. 250 പ്രവ‍ർത്തകരാണ് മാ‍ർച്ചിൽ പങ്കെടുത്തത്. ഇതിനു പിന്നാലെയാണ് തീവ്ര ക്രൈസ്തവ സംഘടനകളുടെ നേതൃത്വത്തിൽ ബിഷപ്പിന് പിന്തുണ അറിയിച്ച് ബിഷപ്പ് ഹൗസിനു മുന്നിൽ എത്തിയത്. പിസി ജോർജ്ജ്, ബിജെപി നേതാക്കൾ, തീവ്ര ക്രൈസ്തവ സംഘടനകളുടെ നേതാക്കൾ തുടങ്ങിയവ‍‍ർ ബിഷപ്പിന് പിന്തുണ പ്രഖ്യാപിച്ചു.മത വിദ്വേഷ പ്രസംഗം നടത്തിയ പാലാ ബിഷപ്പ് ജോസഫ് കല്ലറങ്ങാട്ടിനെ അറസ്റ്റ് ചെയ്യണമെന്നാവശ്യപ്പെട്ട് മുസ്ലിം സംഘടനകൾ ബിഷപ്പ് ഹൗസിനു മുന്നിലേക്ക് പ്രതിഷേധ മാർച്ച് നടത്തിയിരുന്നു.
Find out more:
click and follow Indiaherald WhatsApp channel