കോൺഗ്രസിൽ നിന്ന് കെ വി തോമസിനെ പുറത്താക്കി! തൃക്കാക്കര മണ്ഡലം എൽഡിഎഫ് തെരഞ്ഞെടുപ്പ് കൺവൻഷനിൽ കെ വി തോമസ് പങ്കെടുത്തതിനു പിന്നാലെയാണ് നടപടി. എഐസിസി അംഗീകാരത്തോടെയാണ് നടപടിയെന്ന് സുധാകരൻ മാധ്യമങ്ങളോട് പറഞ്ഞു. മുതിർന്ന കോൺഗ്രസ് നേതാവ് കെവി തോമസിനെ പാർട്ടിയിൽ നിന്നും പുറത്താക്കി. കെപിസിസി അധ്യക്ഷൻ കെ സുധാകരനാണ് തീരുമാനം പ്രഖ്യാപിച്ചത്. കോൺഗ്രസിൻറെ ചിന്തൻ ശിബിർ നടക്കുന്ന രാജസ്ഥാനിലെ ഉദയ്പുരിലുള്ള ഹോട്ടലിനു മുന്നിൽ നിന്നാണ് കെ സുധാകരൻ കെവി തോമസിനെ പുറത്താക്കിയെന്ന പ്രഖ്യാപനം നടത്തിയത്. ഇനി കാത്തിരിക്കാനാകില്ലെന്ന് പറഞ്ഞാണ് കെവി തോമസിനെ പുറത്താക്കിയെന്ന് സുധാകരൻ പ്രഖ്യാപിച്ചത്.
അതേസമയം തൃക്കാക്കര ഉപതെരഞ്ഞെടുപ്പിൽ എൽഡിഎഫിനായി പ്രചരണത്തിനിറങ്ങുമെന്ന മുതിർന്ന കോൺഗ്രസ് നേതാവ് കെ വി തോമസിൻറെ പ്രഖ്യാപനത്തിൽ പ്രതികരണവുമായി എ കെ ആൻറണി. കെ വി തോമസിൻറെ നിലപാട് മാറ്റം എൽഡിഎഫിന് ഗുണം ചെയ്യില്ലെന്ന് അദ്ദേഹം പറഞ്ഞു. മലയാളികൾ നേരെ വാ നേരെ പോ എന്ന സ്വഭാവം ഉള്ളവരാണ്. ഒരിടത്ത് നിൽക്കുകയും മറ്റൊരാൾക്ക് വേണ്ടി വോട്ട് പിടിക്കുകയും ചെയ്യുന്നത് സാധാരണ ഒരു മനുഷ്യൻ അംഗീകരിക്കില്ലെന്നും എ കെ ആൻറണി പറഞ്ഞു. കോൺഗ്രസ് ആണെന്ന് ഇപ്പോഴും പറയുകയും എൽഡിഎഫ് സ്ഥാനാർഥിക്ക് വേണ്ടി വോട്ട് അഭ്യർത്ഥിക്കുകയും ചെയ്യുന്ന സ്വഭാവം തൃക്കാക്കരക്കാർ സ്വീകരിക്കില്ല. എൽഡിഎഫ് സ്ഥാനാർഥി ജോ ജോസഫിനു വേണ്ടി പ്രചാരണത്തിനിറങ്ങും.
നാളെ മുഖ്യമന്ത്രിയ്ക്കൊപ്പം എൽഡിഎഫ് കൺവെൻഷനിൽ പങ്കെടുക്കുമെന്നും കെ വി തോമസ് പറഞ്ഞിരുന്നു. ഇതിന് പിന്നാലെ തന്നെ കെവി തോമസിനെ തള്ളി നിരവധി കോൺഗ്രസ് നേതാക്കൾ രംഗത്തെത്തിയിരുന്നു. കെ വി തോമസിൻറെ നിലപാട് ഇടതുപക്ഷത്തിന് ഗുണം ചെയ്യില്ല എന്ന് മാത്രമല്ല ഒരുപക്ഷേ ദോഷം ചെയ്യുമെന്നും എ കെ ആൻറണി പറഞ്ഞു. തൃക്കാക്കരയിൽ ഇടതുമുന്നണിയ്ക്ക് വേണ്ടി പ്രചാരണത്തിനിറങ്ങുമെന്ന് കെ വി തോമസ് ഇന്ന് രാവിലെയായിരുന്നു പ്രഖ്യാപിച്ചത്. വികസന വിഷയങ്ങളിൽ കോൺഗ്രസിൻറെ നിലപാട് തെറ്റാണെന്നും ആ ബോധ്യത്തിൻറെ അടിസ്ഥാനത്തിലാണ്‌ കെ വി തോമസ് എൽഡിഎഫിനൊപ്പം നിൽക്കാൻ തീരുമാനിച്ചതെന്ന് ഇടതുമുന്നണി കൺവീനർ ഇപി ജയരാജനും പ്രതികരിച്ചു.
തങ്ങളാർക്കും ഒന്നും വാഗ്ദാനം നൽകിയിട്ടില്ല. എന്തെങ്കിലും വാഗ്ദാനം നൽകി സ്വീകരിക്കേണ്ട ആളല്ല കെ വി തോമസ്. കോൺഗ്രസ് നേതൃത്വം വികസന വിരോധികളായി മാറിയിരിക്കുകയാണെന്നും ജയരാജൻ വിമർശിച്ചിരുന്നു. കെ വി തോമസ് ഇപ്പോൾ കോൺഗ്രസിലുണ്ടെന്ന് കരുതുന്നില്ലെന്നായിരുന്നു കെ പി സി സി പ്രസിഡൻറ് കെ സുധാകരൻറെ പ്രതികരണം. നമ്മുടെ മുന്നിൽ അദ്ദേഹമില്ല. കോൺഗ്രസിൽ ഇന്ന് കെ വി തോമസ് ഇല്ല. അത് ഞങ്ങൾ പരസ്യമായി പ്രഖ്യാപിച്ചു. പുറത്താക്കാനുള്ള പ്രാധാന്യം പോലും തോമസിന് നൽകിയിട്ടില്ലെന്നും സുധാകരൻ പറഞ്ഞിരുന്നു.
Find out more:
click and follow Indiaherald WhatsApp channel