കേസ് എവിടെപ്പോയെന്ന് ചോദിച്ചവർക്ക് ഇപ്പോൾ ഉത്തരമായി; ശിവശങ്കറിൻ്റെ അറസ്റ്റിൽ പ്രതികരണവുമായി വി മുരളീധരൻ രംഗത്ത്! അഴിമതിയും കള്ളപ്പണ ഇടപാടും നടത്തുന്നവർ എത്ര ഉന്നതരായാലും അഴിയെണ്ണും എന്ന നരേന്ദ്ര മോദി സർക്കാരിൻ്റെ നിലപാട് വ്യക്തമാക്കുന്ന നടപടിയെന്ന് ഫേസ്ബുക്ക് പോസ്റ്റിലൂടെ അദ്ദേഹം പറഞ്ഞു. ലൈഫ് മിഷൻ കേസിൽ മുഖ്യമന്ത്രി പിണറായി വിജയൻ്റെ മുൻ പ്രൈവറ്റ് സെക്രട്ടറി എം ശിവശങ്കറിൻ്റെ അറസ്റ്റ് കേന്ദ്ര ഏജൻസികളുടെ വിശ്യാസ്യത അരക്കെട്ടുറപ്പിക്കുന്നതാണെന്ന് കേന്ദ്ര മന്ത്രി വി മുരളീധരൻ.ഒന്നും അവസാനിച്ചിട്ടില്ല..! എം ശിവശങ്കറിൻ്റെ അറസ്റ്റ് ചിലകാര്യങ്ങൾ കൂടി വ്യക്തമാക്കുന്നു. ഒന്നുകിൽ തൻ്റെ വിശ്വസ്ഥൻ്റെ നേതൃത്വത്തിൽ നടന്ന ഈ കോഴ ഇടപാടിൽ പിണറായി വിജയനും പങ്കുണ്ട്.
അല്ലെങ്കിൽ തൻ്റെ സർക്കാരിന് കീഴിൽ നടക്കുന്ന കാര്യങ്ങളെക്കുറിച്ചൊന്നും അറിയാത്ത പമ്പരവിഡ്ഢിയും കഴിവുകെട്ടവനുമായ ഭരണാധികാരിയാണ് പിണറായി വിജയൻ എന്നും ഫേസ്ബുക്ക് പോസ്റ്റിൽ മുരളീധരൻ പരിഹസിച്ചു. ലൈഫ് മിഷൻ കേസിലെ ഇഡി നടപടി കേന്ദ്ര ഏജൻസികളുടെ വിശ്വാസ്യത അരക്കിട്ടുറപ്പിക്കുന്നതാണ്.
അഴിമതിയും കള്ളപ്പണ ഇടപാടും നടത്തുന്നവർ എത്ര ഉന്നതരായാലും അഴിയെണ്ണും എന്ന നരേന്ദ്ര മോദി സർക്കാരിൻ്റെ നിലപാട് വ്യക്തമാക്കുന്ന നടപടി. "കേസ് എവിടെപ്പോയി, ഇടനിലക്കാർ ധാരണയാക്കിയില്ലേ" എന്ന് ചോദിച്ചവർക്ക് ഇപ്പോൾ ഉത്തരമായി എന്ന് കരുതുന്നു.എന്തിനാണ് കേസ് വന്നയുടൻ വിജിലൻസിനെ ഉപയോഗിച്ച് ഫയൽ പിടിച്ചെടുത്തതെന്ന് വി മുരളീധരൻ ചോദിച്ചു.
ആ ഫയലുകൾ ഇനിയും സിബിഐയ്ക്ക് കൈമാറാത്തത് ? ഉത്തരങ്ങൾ വരട്ടെ, വൻ സ്രാവുകൾക്ക് വലയൊരുങ്ങട്ടെ. സത്യമേവ ജയതേ - എന്നും ഫേസ്ബുക്ക് പോസ്റ്റിലൂടെ വി മുരളീധരൻ പറഞ്ഞു. മുഖ്യമന്ത്രി പിണറായി വിജയന്റെ മുൻ പ്രിൻസിപ്പൽ സെക്രട്ടറി എം ശിവശങ്കർ വീണ്ടും അറസ്റ്റിൽ. ലൈഫ് മിഷൻ ഭവന പദ്ധതി പദ്ധതി കോഴക്കേസിലാണ് ശിവശങ്കറിനെ ഇഡി അറസ്റ്റ് ചെയ്തിരിക്കുന്നത്. തുടർച്ചയായി മൂന്ന് ദിവസങ്ങളായി നടന്ന ചോദ്യം ചെയ്യലിന് ഒടുവിലായി ഇന്നലെ രാത്രി 11.45ന് ശേഷമായിരുന്നു ശിവശങ്കറിന്റെ അറസ്റ്റുണ്ടായത്.
യുണീടാക്കിന് കരാർ ലഭിക്കാൻ കോഴ വാങ്ങി എന്നായിരുന്നു കേസ്. പദ്ധതിയുടെ കരാർ ലഭിക്കുന്നതിന് വേണ്ടി 4.48 കോടി രൂപ കോഴയായി നൽകിയെന്ന യൂണിടാക് എം ഡി സന്തോഷ് ഈപ്പന്റെ മൊഴിയുടെ അടിസ്ഥാനത്തിലാണ് ശിവശങ്കറിനെ ചെയ്യുകയായിരുന്നു. അതിന് പുറമെ, ശിവശങ്കറിനെതിരെ സ്വർണക്കടത്തുകേസിലെ പ്രതികളായ സ്വപ്നാ സുരേഷിന്റേയും സരിത്തും നൽകിയ മൊഴികളും തിരിച്ചടിയായിട്ടുണ്ട്.
Find out more:
click and follow Indiaherald WhatsApp channel