തലശേരിയിൽ മന്ത്രിസഭാ യോഗം ചേർന്ന് സർക്കാർ! സംസ്ഥാനത്തിൻറെ ഭരണനിർവഹണത്തെ ഒരു തരത്തിലും ബാധിക്കാതെയാണ് നവകേരള സദസ്സ് മുന്നോട്ടു പോകുന്നത് എന്ന് സർക്കാർ ഉറപ്പു വരുത്തുകയാണെന്ന് മുഖ്യമന്ത്രി പറഞ്ഞു. മന്ത്രിസഭാ യോഗത്തിൻറെ ചിത്രം പങ്കുവെച്ചുകൊണ്ടാണ് മുഖ്യമന്ത്രിയുടെ വാക്കുകൾ. വകേരള സദസ്സ് തുടങ്ങിയ ശേഷമുള്ള ആദ്യ മന്ത്രിസഭാ യോഗം ഇന്നു തലശേരിയിൽ ചേർന്നു. ഇതാദ്യമായാണ് തലശേരിയിൽ സംസ്ഥാന മന്ത്രിസഭ യോഗം ചേരുന്നതത്. അതേസമയം എഴുത്തുകാരി പി വത്സലയുടെ നിര്യാണത്തിൽ മുഖ്യമന്ത്രി അനുശോചനം രേഖപ്പെടുത്തി. പ്രാന്തവൽക്കരിക്കപ്പെട്ട ജനവിഭാഗങ്ങളുടെ ജീവിത യാതനകളെ കടഞ്ഞ് കഥകൾ ഉണ്ടാക്കിയ ശ്രദ്ധേയയായ എഴുത്തുകാരിയായിരുന്നു പി വത്സല. അതിനിസ്വരായ ജനവിഭാഗങ്ങളുടെ പൊള്ളുന്ന ജീവിത യാഥാർത്ഥ്യങ്ങളിലേക്ക് എഴുത്തിന്റെ മനസ്സ് തിരിച്ചു എന്നതാണ് വത്സലയുടെ പ്രത്യേകത.
സാഹിത്യത്തിൻറെ ജനായത്തവൽക്കരണ പ്രക്രിയയെ അതിവേഗത്തിൽ മുന്നോട്ട് കൊണ്ടുപോകുന്നതിന് ഊർജ്ജം പകരുകയാണ് വത്സല ഇതിലുടെ ചെയ്തത്. കേരളത്തിലെ പുരോഗമന രാഷ്ട്രീയ സാഹിത്യ പ്രസ്ഥാനങ്ങളോട് ഗാഢമായി ഇഴചേർന്ന് നിൽക്കുന്നതായിരുന്നു അവരുടെ സാഹിത്യ പ്രവർത്തനം. ആദിവാസി ജീവിതം എല്ലാ തീവ്രതയോടെയും അവർ എഴുത്തിൽ പ്രതിഫലിപ്പിച്ചു. നെല്ല്, ആഗ്നേയം, കൂമൻകൊല്ലി എന്നീ നോവലുകൾ സാഹിത്യ ചരിത്രത്തിൽ സവിശേഷ സ്ഥാനം നേടിയവയാണ്. സംസ്ഥാന സർക്കാർ ഏഴുത്തച്ഛൻ പുരസ്കാരം നൽകി ആദരിച്ചിട്ടുണ്ട്. സമകാലിക ജീവിതത്തിൻറെ സന്തോഷങ്ങളും സങ്കടങ്ങളും ഒപ്പിയെടുത്ത് സാഹിത്യത്തെ സജീവമാക്കിയ പി വത്സലയുടെ വിയോഗം കേരളത്തിലെ പുരോഗമന രാഷ്ട്രീയ സാഹിത്യ പ്രസ്ഥാനങ്ങൾക്കാകെ നികാത്താനാകാത്ത നഷ്ടമാണ്.
കേരള സാഹിത്യ അക്കാദമി പ്രസിഡൻറ് എന്ന നിലയിലടക്കം വിലപ്പെട്ട സംഭാവനകൾ നൽകിയ പി. വത്സലയുടെ സ്മരണക്ക് മുന്നിൽ ആദരാഞ്ജലികൾ അർപ്പിക്കുന്നു, കുടുംബത്തെ അനുശോചനം അറിയിക്കുന്നെന്നും മുഖ്യന്ത്രി പറഞ്ഞു. അഭൂതപൂർവമായ ജനപങ്കാളിത്തം കൊണ്ട് ചരിത്രത്തിൻറെ ഭാഗമായിക്കഴിഞ്ഞ നവകേരള സദസ്സുകൾ പുതിയ കേരളത്തിനായുള്ള മുന്നേറ്റത്തിന് കൂടുതൽ കരുത്ത് പകരുമെന്ന് മുഖ്യമന്ത്രി പറഞ്ഞു. കണ്ണൂർ ജില്ലയിലെ പര്യടനം പൂർത്തിയാക്കി നാളെ നവകേരള സദസ്സ് കോഴിക്കോട് ജില്ലയിലേക്ക് പ്രവേശിക്കും. മന്ത്രിസഭാ യോഗം ഉള്ളതിനാൽ നവകേരള സദസ്സിൻറെ ഭാഗമായുള്ള പ്രഭാതയോഗം ഇന്ന് ഉണ്ടായിരുന്നില്ല.
കണ്ണൂർ ജില്ലയിലെ വിവിധ നിയോജക മണ്ഡലങ്ങളിലാണ് അഞ്ചാംദിവസം സദസ്സുകൾ ചേരുന്നത്. രാവിലെ 11 മണിക്ക് കൂത്തുപറമ്പ് മണ്ഡലത്തിലെ സദസ്സ് പാനൂർ നുച്ചിക്കാട് ഗ്രൗണ്ടിലും ഉച്ച കഴിഞ്ഞ് 3 മണിക്ക് മട്ടന്നൂർ മണ്ഡലത്തിലെ സദസ്സ് കണ്ണൂർ വിമാനത്താവളം ഗേറ്റ് 1ന് മുൻവശത്തും വൈകുന്നേരം 4:30ന് പേരാവൂർ മണ്ഡലത്തിലെ സദസ്സ് ഇരിട്ടി ബസ് സ്റ്റാൻഡിന് മുൻവശത്തും നടക്കും.
Find out more:
click and follow Indiaherald WhatsApp channel