ചൈനയെ ഞെട്ടിച്ചു ബംഗ്ലാദേശിലെ മോംഗ്ല തുറമുഖം ഇന്ത്യൻ നിയന്ത്രണത്തിൽ! ഇറാനിലെ ചബഹാർ തുറമുഖവും മ്യാൻമറിലെ സിറ്റ്വെ തുറമുഖത്തിവും ഓപ്പറേറ്റ് ചെയ്യുന്നതിനുള്ള വിജയകരമായ നീക്കങ്ങൾ നടത്തിയ ഇന്ത്യ ബംഗ്ലാദേശിലും അത് ആവർത്തിച്ചിരിക്കുകയാണ്. ബംഗ്ലാദേശിലെ മോംഗ്ല തുറമുഖത്തിൻ്റെ ടെർമിനൽ അവകാശങ്ങൾ ചെെനയെ മറികടന്ന് ഇന്ത്യ സ്വന്തമാക്കിയിരിക്കുകയാണ്. മേഖലയിൽ ചൈനയുടെ വലിയ പ്രതീക്ഷയായിരുന്നു തുറമുഖത്തിൻ്റെ പ്രവർത്തനാവകാശമാണ് ഇന്ത്യ നേടിയിരിക്കുന്നത്. അയൽരാജ്യങ്ങളിലെ തുറമുഖങ്ങളുമായി ബന്ധപ്പെട്ട് ഇന്ത്യ നടത്തുന്ന തന്ത്രപരമായ നീക്കങ്ങൾ തുടരുകയാണ്. ഇന്ത്യൻ മഹാ സമുദ്രത്തിലെ 17 തുറമുഖങ്ങളിൽ ചൈനീസ് കമ്പനികളുടെ ഇടപെടലുണ്ട്. 13 തുറമുഖങ്ങളിൽ ചൈനീസ് കമ്പനികൾ നിർമ്മാണ പ്രവർത്തനങ്ങൾ നടത്തുമ്പോൾ എട്ട് പദ്ധതികളിൽ ഷെയറുകളും ഈ കമ്പനികളുടെ കയ്യിലുണ്ട്.
ഇന്ത്യൻ മഹാസമുദ്രത്തിന് പുറമേ, യുഎഇ പോലെയുള്ള രാജ്യങ്ങളിലെ ടെർമിനലുകളിൽ ലീസുകളും ചൈനീസ് കമ്പനികൾ സ്വന്തമാക്കിയിട്ടുണ്ട്. മാരിടൈം സിൽക്ക് റോഡ് പദ്ധതിയുടെ ഭാഗമായി ഇന്ത്യൻ മഹാസമുദ്രത്തിലെ സ്വാധീനം ചെെന വർധിപ്പിച്ച് കൊണ്ടിരിക്കുകയാണ്. പാകിസ്താനിലെ ഗ്വാഡർ (Gwadar) തുറമുഖത്തും ഈസ്റ്റ് ആഫ്രിക്കയിലെ ജിബൂട്ടി (Djibouti) തുറമുഖത്തും ചൈന നിക്ഷേപം നടത്തിയത് ഇതിൻ്റെ ഭാഗമായാണ്. ജിബൂട്ടിയിൽ 78 ദശലക്ഷം യുഎസ് ഡോളറും ഗ്വാഡറിൽ 1.6 ബില്യൺ ഡോളറുമാണ് ചൈന നിക്ഷേപിച്ചിരിക്കുന്നത്. ചിറ്റഗോംഗ് തുറമുഖത്തിന് പിന്നിൽ ബംഗ്ലാദേശിലെ ഏറ്റവു വലിയ തുറമുഖങ്ങളുടെ പട്ടികയിൽ രണ്ടാം സ്ഥാനത്താണ് മോംഗ്ല തുറമുഖം. ഇന്ത്യൻ സമുദ്ര മേഖലകളിൽ ചൈനയുടെ സ്വാധീനം വളർന്നു വരുന്നത് തടയാനുള്ള മികച്ച നീക്കമായാണ് മോംഗ്ല തുറമുഖത്തിൻ്റെ ടെർമിനൽ നിയന്ത്രണം ഇന്ത്യ ഏറ്റെടുത്തതിനെ വിദഗ്ദർ വിലയിരുത്തുന്നത്.
മോഗ്ല തുറമുഖവുമായി ബന്ധപ്പെട്ട ഇന്ത്യയുടെ ഡീലിൻ്റെ കൂടുതൽ വിവരങ്ങൾ പുറത്തുവന്നിട്ടില്ല. എന്നാൽ സൗത്ത് ചൈന മോണിങ് പോസ്റ്റിൻ്റെ റിപ്പോർട്ട് അനുസരിച്ച് ഇന്ത്യൻ പോർട്ട് ഗ്ലോബൽ ലിമിറ്റഡ് (IPGL) ആയിരിക്കും മോംഗ്ല തുറമുഖത്തിൻ്റെ ടെർമിനൽ നിയന്ത്രിക്കുക. മോംഗ്ല തുറമുഖത്തെ ഇന്ത്യയുടെ ഇടപെടൽ ബംഗ്ലാദേശുമായുള്ള സാമ്പത്തിക ബന്ധം മെച്ചപ്പെടുത്തുമെന്ന് മാത്രമല്ല, സമുദ്രത്തിൽ ചൈനയുടെ സ്വാധീനത്തെ നേരിടാൻ സഹായിക്കുകയും ചെയ്യും. ബംഗാൾ കടലിടുക്കിലെ ഭൂമിശാസ്ത്രപരവും രാഷ്ട്രീപരവുമായുള്ള മത്സരങ്ങളിൽ ഇന്ത്യക്ക് മികച്ച സ്ഥാനം ഉറപ്പാക്കാനും മോംഗ്ല തുറമുഖം സഹായിക്കും.
അതേ സമയം, ചൈനയുമായുള്ള ബന്ധം നിലനിർത്തിക്കൊണ്ടു തന്നെ ഇന്ത്യയുമായുള്ള ബന്ധപ്പെട്ട മെച്ചപ്പെടുത്തുക എന്നതാണ് ബംഗ്ലാദേശിൻ്റെ ലക്ഷ്യം. മോംഗ്ല തുറമുഖം ടെർമിനൽ കൈകാര്യം ചെയ്യുന്നതിലൂടെ ഇന്ത്യയുടെ ട്രേഡ് കണക്ടിവിറ്റിയും പ്രാദേശിക സ്വാധീനവും വർധിക്കും. 2018-ൽ ചിറ്റഗോംഗ്, മോംഗ്ല തുറമുഖങ്ങളുടെ ട്രാൻസിറ്റ്, കാർഗോ ഷിപ്പിങ് തുടങ്ങിയവ ഇന്ത്യക്ക് ബംഗ്ലാദേശ് മുഴുവനായി തുറന്നു കൊടുത്തിരുന്നു. ഈ നീക്കം ഇരു രാജ്യങ്ങളും തമ്മിലുള്ള ട്രേഡ് വർധിപ്പിക്കുകയും ചെയ്തു.
Find out more:
click and follow Indiaherald WhatsApp channel