വയനാട്ടിലേക്ക് പ്രധാനമന്ത്രി നരേന്ദ്ര മോദി എത്തുന്നു! ശനിയാഴ്ചയാകും പ്രധാനമന്ത്രി മോദി വയനാട്ടിൽ എത്തുക. കണ്ണൂർ വിമാനത്താവളത്തിൽ വന്നിറങ്ങുന്ന മോദി ഹെലികോപ്റ്ററിൽ വയനാട്ടിൽ എത്തും. ദുരന്തമേഖലയും ക്യാമ്പും പ്രധാനമന്ത്രി സന്ദർശിക്കും.ഉരുൾപൊട്ടൽ ദുരന്തമുണ്ടായ വയനാട്ടിലേക്ക് പ്രധാനമന്ത്രി നരേന്ദ്ര മോദി എത്തുന്നു. പ്രധാനമന്ത്രിയുടെ വയനാട് സന്ദർശനത്തിൻ്റെ ഭാഗമായി എസ്പിജി സംഘം കേരളത്തിലെത്തി. വയനാട് ഉരുൾപൊട്ടലിൻ്റെ പശ്ചാത്തലത്തിൽ പ്രധാനമന്ത്രി മോദി ദുരന്തമുണ്ടായ പ്രദേശങ്ങളിൽ സന്ദർശനം നടത്തുമെന്ന സൂചനകൾ ബിജെപി നേതാക്കളിൽ നിന്നുണ്ടായിരുന്നുവെങ്കിലും ഔദ്യോഗിക സ്ഥിരീകരണം ഉണ്ടായിരുന്നില്ല. ഉരുൾപൊട്ടൽ ഉണ്ടായതിൻ്റെ ഒൻപതാം നാളിലും കാണാതായവർക്കായി തിരച്ചിൽ തുടരുകയാണ്.
ചൂരൽമല, മുണ്ടക്കൈ ഉരുൾപൊട്ടൽ ദുരന്തത്തിൽ കാണാതായവർക്കായുള്ള തിരച്ചിൽ സജീവമാണ്. ആറ് സോണുകളിലായി വിവിധ സേനാവിഭാഗങ്ങളിൽ നിന്നുള്ള 1026 പേരാണ് ബുധനാഴ്ചയും തെരച്ചിലിൽ വ്യാപൃതരായിട്ടുള്ളത്. കേരള പോലീസ്, എൻഡിആർഎഫ്, ആർമി, എൻഡിഎംഎ റെസ്‌ക്യൂ ടിം, ഡെൽറ്റാ സ്‌ക്വാഡ്, എസ്ഒജി, കേരള, തമിഴ്‌നാട് ഫയർ റെസ്‌ക്യുടീമുകൾ, കെ 9 ഡോഗ് സ്‌ക്വാഡ്, ഫോറസ്റ്റ് തുടങ്ങിയ സേനാവിഭാഗങ്ങളും തിരച്ചിൽ, രക്ഷാ ദൗത്യങ്ങളിൽ സജീവമാണ്. 54 ഹിറ്റാച്ചികളും 7 ജെസിബികളും മറ്റ് യന്ത്രങ്ങളും ഇതിനായി ഉപയോഗിക്കുന്നുണ്ട്. ഇതുവരെ വയനാട്ടിൽ നിന്ന് 148, നിലമ്പൂരിൽ നിന്ന് 76 എന്നങ്ങനെ 224 മൃതദേഹങ്ങളാണ് കണ്ടെത്തിയത്. വയനാട്ടിൽ നിന്ന് 28, നിലമ്പൂരിൽ നിന്ന് 161 എന്നിങ്ങനെ 189 ശരീരഭാഗങ്ങളും ഇതിനകം കണ്ടെടുത്തു.
സേനാവിഭാഗങ്ങൾക്കൊപ്പം 80 ടീമുകളിലായി 524 സന്നദ്ധ പ്രവർത്തകരും ദുരന്തബാധിത പ്രദേശങ്ങളിൽ തെരച്ചിൽ പ്രവർത്തനങ്ങളിൽ ഏർപ്പെട്ടിരിക്കുന്നത്. പുഞ്ചിരിമറ്റം, മുണ്ടക്കൈ, സ്‌കൂൾ പരിസരം, ചൂരൽമല ടൗൺ, വില്ലേജ് പരിസരം, പുഴയുടെ താഴെ ഭാഗം എന്നിവടങ്ങളിലാണ് നിലവിൽ പരിശോധന നടത്തുന്നത്. ഉരുൾപൊട്ടൽ ദുരന്തമുണ്ടായ വയനാട്ടിലേക്ക് പ്രധാനമന്ത്രി നരേന്ദ്ര മോദി എത്തുന്നു. ശനിയാഴ്ചയാകും പ്രധാനമന്ത്രി മോദി വയനാട്ടിൽ എത്തുക. കണ്ണൂർ വിമാനത്താവളത്തിൽ വന്നിറങ്ങുന്ന മോദി ഹെലികോപ്റ്ററിൽ വയനാട്ടിൽ എത്തും. ദുരന്തമേഖലയും ക്യാമ്പും പ്രധാനമന്ത്രി സന്ദർശിക്കും. ശനിയാഴ്ച ഉച്ചയോടെ മേപ്പാടി പഞ്ചായത്തിൽ പ്രധാനമന്ത്രി എത്തുമെന്നാണ് റിപ്പോർട്ട്.
പ്രധാനമന്ത്രിയുടെ സന്ദർശനം സംബന്ധിച്ച് ചീഫ് സെക്രട്ടറിയുമായും സംസ്ഥാന പോലീസ് മേധാവിയുമായി പ്രാഥമിക ചർച്ചകൾ നടന്നു. എത്തുന്ന സമയക്രമം ഉൾപ്പെടെയുള്ള അന്തിമവിവരങ്ങൾ പ്രധാനമന്ത്രിയുടെ ഓഫീസാകും പുറത്തുവിടുക.പ്രധാനമന്ത്രിയുടെ സന്ദർശനത്തോടെ വയനാടിന് കൂടുതൽ സഹായം കേന്ദ്ര സർക്കാരിൻ്റെ ഭാഗത്ത് നിന്നുമുണ്ടാകുമെന്ന പ്രതീക്ഷയിലാണ് സംസ്ഥാനം. ഉരുൾപൊട്ടൽ ദുരന്തമുണ്ടായി മിനിറ്റുകൾക്കകം പ്രധാനമന്ത്രി മോദി മുഖ്യമന്ത്രി പിണറായി വിജയനെ ഫോണിൽ വിളിച്ച് സാഹചര്യം ചോദിച്ചറിയുകയും എല്ലാ സഹായങ്ങളും വാഗ്ദാനം ചെയ്യുകയും ചെയ്തിരുന്നു.
Find out more:
click and follow Indiaherald WhatsApp channel