ഞാൻ പ്രതികരിച്ചതിന്റെ കേസ് ഇന്നും തുടരുകയാണ്: ശ്വേതാ മേനോൻ! എത്ര കാശ് തനിക്ക് ചെലവായി എന്നറിയാമോയെന്നും അവർ ചോദിച്ചു. ഹേമ കമ്മിറ്റി റിപ്പോർട്ടിന്റെ പശ്ചാത്തലത്തിൽ മാധ്യമപ്രവർത്തകരുടെ ചോദ്യങ്ങളോട് പ്രതികരിക്കുകയായിരുന്നു അവർ. 2013ൽ അന്നത്തെ കോൺഗ്രസ് എംപി പീതാംബര കുറുപ്പ് തന്നെ ദുരുദ്ദേശ്യപരമായ രീതിയിൽ ശരീരത്തിൽ സ്പർശിച്ചെന്ന് കാട്ടി ശ്വേതാ മേനോൻ രംഗത്തെത്തിയിരുന്നു. 12 വർഷം മുമ്പ് താൻ നടത്തിയ ഒരു പ്രതികരണത്തിന്റെ ഭാഗമായി ഉണ്ടായ കേസ് ഇപ്പോഴും തുടരുകയാണെന്ന് നടി ശ്വേതാ മേനോൻ. ഇത്രയും വർഷങ്ങൾക്കു ശേഷം ആ പെൺകുട്ടി ഇങ്ങനെ വന്ന് സംസാരിക്കുന്നുണ്ടെങ്കിൽ അതിൽ ഗൗരവമുണ്ടെന്ന് രഞ്ജിത്തിനെതിരെ ബംഗാളി നടി പരാതി ഉന്നയിച്ച വിഷയത്തിൽ ശ്വേത മേനോൻ പറഞ്ഞു. അവരെ ഇമോഷണലായി അത് എവിടെയോ ബാധിച്ചിരിക്കും.
എന്നാൽ രഞ്ജിത്ത് ചലച്ചിത്ര അക്കാദമിയുടെ പദവിയിൽ തുടരുന്നതിൽ ശരിയുണ്ടോ എന്ന ചോദ്യത്തോട് പ്രതികരിക്കാൻ അവർ തയ്യാറായില്ല. അത്തരം കാര്യങ്ങളിൽ തീരുമാനം എടുക്കേണ്ടത് സംസ്ഥാന സർക്കാരാണെന്ന് ശ്വേതാ മേനോൻ പറഞ്ഞു. എന്നാൽ അദ്ദേഹം എന്തെങ്കിലും തെറ്റ് ചെയ്തിട്ടുണ്ടെങ്കിൽ അതിൽ ശിക്ഷിക്കപ്പെടണമെന്നും ശ്വേത വ്യക്തമാക്കി.മര്യാദയോടെയുള്ള പെരുമാറ്റമില്ലാത്ത സ്ഥലങ്ങളിൽ ജോലി ചെയ്യേണ്ടി വരുമ്പോൾ പ്രതികരിക്കണമെന്നും, ഇത്തരം കേസുകളിൽ നിയമവ്യവസ്ഥ എത്രയും വേഗം ഇടപെടണമെന്നും നടി ആവശ്യപ്പെട്ടു. മന്ത്രി സജി ചെറിയാൻ ഹേമ കമ്മിറ്റി റിപ്പോർട്ട് പൂഴ്ത്തിവയ്ക്കാൻ കൂട്ടു നിന്നുവെന്ന് വിഡി സതീശൻ ആരോപിച്ചു. ഹേമ കമ്മിറ്റി റിപ്പോർട്ടിൽ കൃത്രിമം കാട്ടിയ ശേഷം പുറത്തു വിടുകയും വേട്ടക്കാരെ സംരക്ഷിച്ച് ഇരകളെ തള്ളിപ്പറയുകയും ചെയ്തയാളാണ് സജി ചെറിയാൻ. അദ്ദേഹം നിയമപരമായ ഉത്തരവാദിത്തം മറക്കുകയും, പരാതി തന്നാൽ മാത്രമെ കേസെടുക്കൂവെന്ന് പറയുകയും ചെയ്യുന്നു.
ഈ നിലപാടുള്ള സജി ചെറിയാൻ മന്ത്രി സ്ഥാനം ഒഴിയുന്നതാണ് നല്ലതെന്ന് വിഡി സതീശൻ പറഞ്ഞു. മന്ത്രി സ്ഥാനത്ത് ഇരിക്കാൻ അദ്ദേഹം യോഗ്യനല്ല. സത്യപ്രതിജ്ഞാ ലംഘനം നടത്തുകയും നിയമപരമായ ബാധ്യതയിൽ നിന്നും ഒളിച്ചോടുകയും റിപ്പോർട്ട് പുറത്തു വിട്ടപ്പോൾ കൃത്രിമം കാട്ടുകയും ചെയ്ത സാംസ്‌കാരിക മന്ത്രി രാജിവച്ച് പുറത്തു പോകണം. യഥാർത്ഥമായ ഏത് കേസിലും നിയമവ്യവസ്ഥ ഉടനെ ഇടപെടണമെന്ന് ശ്വേത പറഞ്ഞു. എന്നാൽ യഥാർത്ഥമല്ലാത്ത കേസുകളും ഇടയിലുണ്ട്. വരുന്ന ആരോപണങ്ങളിൽ ഒരു 40 ശതമാനമേ ശരിയായ ആരോപണങ്ങളാകാറുള്ളൂ. പലരും ഇരവാദവുമായാണ് വരാറുള്ളത്. കുറെ സ്ത്രീകൾ അങ്ങനെ വിക്ടിം ഗെയിം കളിക്കാറുണ്ട്.
ആണുങ്ങളും ഇത് ചെയ്യാറുണ്ട്. ഇതിനിടയിൽ സീരിയസ്സായ കേസുകൾ കാണാതെ പോകുകയാണെന്നും ശ്വേതാ മേനോൻ പറഞ്ഞു. അതെസമയം സംവിധായകൻ രഞ്ജിത്ത് രാജി വെക്കണമെന്ന ആവശ്യം കൂടുതൽ പേരിൽ നിന്ന് ഉയർന്നു തുടങ്ങി. ചലച്ചിത്ര അക്കാദമി ചെയർമാൻ പദവിയിൽ നിന്ന് രഞ്ജിത്ത് രാജി വെക്കണമെന്ന് പ്രതിപക്ഷ നേതാവ് വിഡി സതീശൻ ആവശ്യപ്പെട്ടു. അദ്ദേഹം സിനിമാ മേഖലയ്ക്ക് വലിയ സംഭാവനകൾ നൽകിയിരിക്കാം. എന്നാൽ അതീവ ഗുരുതരമായ ആരോപണമാണ് അദ്ദേഹത്തിനെതിരെ ഇപ്പോൾ ഉയർന്നിരിക്കുന്നത്.
Find out more:
click and follow Indiaherald WhatsApp channel