ബംഗ്ലാദേശ് പ്രക്ഷോഭത്തെ തുടർന്ന് മുഹമ്മദ് യൂനുസ് ഇടക്കാല സർക്കാരിനെ നയിക്കും! പ്രസിഡൻ്റിൻ്റെ പ്രസ് സെക്രട്ടറിയായ ജോയ്നൽ അബേദിൻ ആണ് ഇക്കാര്യം അറിയിച്ചത്. രാഷ്ട്രീയ കക്ഷികളുമായുള്ള കൂടിയാലചോനയ്ക്ക് ശേഷം ഇടക്കാല സർക്കാരിലെ മറ്റ് അംഗങ്ങളെ ഉടൻതന്നെ തീരുമാനിക്കുമെന്നും പ്രസിഡൻ്റ് മുഹമ്മദ് ഷഹാബുദ്ദീൻ അറിയിച്ചു. വൻ പ്രക്ഷോഭത്തെ തുടർന്ന് ഷെയ്ഖ് ഹസീന പ്രധാനമന്ത്രിസ്ഥാനം രാജിവെച്ച് രാജ്യംവിട്ടതിന് പിന്നാലെയാണ് ഇടക്കാല സർക്കാർ രൂപീകരിക്കുന്നത്.സമാധാന നൊബേൽ ജേതാവ് മുഹമ്മദ് യൂനുസ് ബംഗ്ലാദേശിലെ ഇടക്കാല സർക്കാരിനെ നയിക്കും. പ്രസിഡൻ്റ് മുഹമ്മദ് ഷഹാബുദ്ദീൻ്റെ അധ്യക്ഷതയിൽ ചേർന്ന നിർണായക യോഗത്തിലാണ് തീരുമാനം.പ്രതിഷേധക്കാരുടെ ആഗ്രഹം തനിക്കുള്ള ആദരവാണെന്നും രാജ്യത്തിനും ജനങ്ങൾക്കുമായി അധികാരം സ്വീകരിക്കാൻ തയ്യാറാണെന്നുമായിരുന്നു മുഹമ്മദ് യൂനുസിൻ്റെ പ്രതികരണം.
സ്വതന്ത്രമായ തെരഞ്ഞെടുപ്പിലൂടെ മാത്രമേ ശാശ്വത സമാധാനമുണ്ടാകൂ എന്നും തെരഞ്ഞെടുപ്പില്ലാതെ ഒരു മാറ്റവും ഉണ്ടാകില്ലെന്നും മുഹമ്മദ് യൂനുസ് വ്യക്തമാക്കിയിട്ടുണ്ട്.മുഹമ്മദ് യൂനുസ് ഇടക്കാല സർക്കാരിനെ നയിക്കണമെന്ന ആവശ്യവുമായി പ്രക്ഷോഭത്തിന് നേതൃത്വം നൽകുന്ന വിദ്യാർഥി സംഘടനാ നേതാക്കൾ രംഗത്തെത്തിയിരുന്നു. സൈന്യം സർക്കാരിനെ നയിക്കുന്നതിലുള്ള എതിർപ്പും അവർ അറിയിച്ചിരുന്നു. ഇതിന് പിന്നാലെ ഇടക്കാല സർക്കാരിനെ നയിക്കാൻ സന്നദ്ധത അറിയിച്ച് 83കാരനായ യൂനുസ് രംഗത്തെത്തിയിരുന്നു. അതേസമയം രാജ്യത്ത് നടക്കുന്ന പ്രക്ഷോഭങ്ങളിൽ മരണസംഖ്യ 440 ആയി ഉയർന്നു. തലസ്ഥാനമായ ധാക്കയിൽ സ്ഥിതിഗതികൾ ശാന്തമാകുന്നുവെന്ന സൂചനയുണ്ടെങ്കിലും മരണസംഖ്യ ഉയരുന്നത് ആശങ്കാജനകമാണ്.
തിങ്കളാഴ്ച മാത്രം 100ലധികം പേർ കൊല്ലപ്പെട്ടുവെന്നാണ് റിപ്പോർട്ട്.
'ദരിദ്രരിൽ ദരിദ്രരുടെ ബാങ്കർ' എന്നറിയപ്പെടുന്ന മുഹമ്മദ് യൂനുസ് 2006ലാണ് സമാധാന നൊബേൽ പുരസ്കാരത്തിന് അർഹനായത്. മുഹമ്മദ് യൂനുസിൻ്റെ പ്രവർത്തനങ്ങളിലൂടെ ലക്ഷക്കണക്കിന് ആളുകൾക്ക് ദാരിദ്രത്തിൻ്റെ പടുകുഴിയിൽനിന്ന് കയറാനായിട്ടുണ്ട്. ഷെയ്ഖ് ഹസീനയുടെ വിമർശകൻ കൂടിയായ മുഹമ്മദ് യൂനൂസിനെതിരെ ഹസീന സർക്കാർ 190ലധികം കേസുകൾ രജിസ്റ്റർ ചെയ്തിട്ടുണ്ട്.പ്രതിപക്ഷ നേതാവ് ബീഗം ഖാലിദ സിയയെ വീട്ടുതടങ്കലിൽനിന്ന് മോചിപ്പിച്ചതായും പ്രസിഡൻ്റിൻ്റെ അറിയിപ്പുണ്ടായി. പ്രക്ഷോഭത്തിന് നേതൃത്വം നൽകുന്നവരുമായി പ്രസിഡൻ്റ് കൂടിക്കാഴ്ച നടത്തി. രാജ്യത്തെ സാഹചര്യവും ഇടക്കാല സർക്കാരിനെക്കുറിച്ചും പ്രസിഡൻ്റ് ആശയവിനിമയം നടത്തി. ഇടക്കാല സർക്കാരിൻ്റെ ഭാഗമാകേണ്ടവരുടെ പട്ടിക വിദ്യാർഥി സംഘടനാ നേതാക്കാൾ കൈമാറിയിട്ടുണ്ട്.
തിങ്കളാഴ്ച മാത്രം 100ലധികം പേർ കൊല്ലപ്പെട്ടുവെന്നാണ് റിപ്പോർട്ട്. അതേസമയം രാജ്യത്ത് നടക്കുന്ന പ്രക്ഷോഭങ്ങളിൽ മരണസംഖ്യ 440 ആയി ഉയർന്നു. തലസ്ഥാനമായ ധാക്കയിൽ സ്ഥിതിഗതികൾ ശാന്തമാകുന്നുവെന്ന സൂചനയുണ്ടെങ്കിലും മരണസംഖ്യ ഉയരുന്നത് ആശങ്കാജനകമാണ്. തിങ്കളാഴ്ച മാത്രം 100ലധികം പേർ കൊല്ലപ്പെട്ടുവെന്നാണ് റിപ്പോർട്ട്.
'ദരിദ്രരിൽ ദരിദ്രരുടെ ബാങ്കർ' എന്നറിയപ്പെടുന്ന മുഹമ്മദ് യൂനുസ് 2006ലാണ് സമാധാന നൊബേൽ പുരസ്കാരത്തിന് അർഹനായത്. മുഹമ്മദ് യൂനുസിൻ്റെ പ്രവർത്തനങ്ങളിലൂടെ ലക്ഷക്കണക്കിന് ആളുകൾക്ക് ദാരിദ്രത്തിൻ്റെ പടുകുഴിയിൽനിന്ന് കയറാനായിട്ടുണ്ട്. ഷെയ്ഖ് ഹസീനയുടെ വിമർശകൻ കൂടിയായ മുഹമ്മദ് യൂനൂസിനെതിരെ ഹസീന സർക്കാർ 190ലധികം കേസുകൾ രജിസ്റ്റർ ചെയ്തിട്ടുണ്ട്.പ്രതിപക്ഷ നേതാവ് ബീഗം ഖാലിദ സിയയെ വീട്ടുതടങ്കലിൽനിന്ന് മോചിപ്പിച്ചതായും പ്രസിഡൻ്റിൻ്റെ അറിയിപ്പുണ്ടായി.
Find out more:
click and follow Indiaherald WhatsApp channel