പുതിയ ചീഫ് ജസ്റ്റിസ് സഞ്ജീവ് ഖന്ന; സുപ്രധാന വിധികൾ ഇവയൊക്കെ! നിരവധി സുപ്രധാന വിധിന്യായങ്ങൾക്കു പിന്നിൽ സഞ്ജിവ് ഖന്നയെ കണ്ടിട്ടുണ്ട്. വിവാദമായ സെൻട്രൽ വിസ്ത പദ്ധതിക്ക് അനുമതി നൽകിയ ബഞ്ചിലെ അംഗമായിരുന്നു അദ്ദേഹം. ഇലക്ടറൽ ബോണ്ട് റദ്ദാക്കിയ ഭരണഘടനാ ബഞ്ചുകളുടെ ഭാഗമായും പ്രവർത്തിച്ചിരുന്നു. ജമ്മു-കശ്മീരിന് പ്രത്യേക പദവി നൽകിയ ഭരണഘടനയുടെ 370-ാം അനുച്ഛേദം റദ്ദാക്കിയ നടപടി ശരിവെച്ച ബഞ്ചിലും സഞ്ജിവ് ഖന്ന ഉണ്ടായിരുന്നു. മദ്യനയക്കേസിൽ അറസ്റ്റിലായ ഡൽഹി മുഖ്യമന്ത്രി അരവിന്ദ് കെജ്‌രിവാളിന് ലോക്‌സഭാ തിരഞ്ഞെടുപ്പ് പ്രചാരണത്തിൽ പങ്കെടുക്കാൻ ഇടക്കാലജാമ്യം നൽകിയതും ജസ്റ്റിസ് ഖന്ന അധ്യക്ഷനായ ബെഞ്ചാണ്. സുപ്രീംകോടതിയുടെ 51-ാം ചീഫ് ജസ്റ്റിസായി ജസ്റ്റിസ് സഞ്ജീവ് ഖന്ന ഇന്ന് സത്യപ്രതിജ്ഞ ചെയ്ത് സ്ഥാനമേൽക്കും.
ഡൽഹി ഹൈക്കോടതി ജഡ്ജിയായിരുന്ന ദേവ് രാജ് ഖന്നയുടെയും, ഡൽഹിയിലെ ലേഡി ശ്രീറാം കോളജിൽ ഹിന്ദി ലക്ചറർ ആയിരുന്ന സരോജ് ഖന്നയുടെയും മകനായി 1960 മേയ് 14-നാണ് സഞ്ജീവ് ഖന്നയുടെ ജനനം. ഡൽഹി സർവകലാശാലയിൽനിന്ന് നിയമബിരുദമെടുത്തശേഷം അഭിഭാഷകനായി പ്രാക്ടീസ് ചെയ്തിരുന്ന ഖന്ന 2005-ൽ ഡൽഹി ഹൈക്കോടതിയിൽ അഡീഷണൽ ജഡ്ജിയായി. അടുത്തവർഷം ഡൽഹി ഹൈക്കോടതിയിൽ സ്ഥിരം ജഡ്ജിയുമായി. 2019 ജനുവരി 18-നാണ് സുപ്രീംകോടതിയിലെത്തിയത്. തിങ്കളാഴ്ച രാവിലെ പത്തിന് രാഷ്ട്രപതിഭവനിൽ നടക്കുന്ന ചടങ്ങിൽ രാഷ്ട്രപതി സത്യവാചകം ചൊല്ലിക്കൊടുക്കും. സ്ഥാനമൊഴിഞ്ഞ ചീഫ് ജസ്റ്റിസ് ഡി വൈ ചന്ദ്രചൂഡ് ചീഫ് ജസ്റ്റിസ് പദവയിൽ രണ്ടുവർഷമാണ് കഴിഞ്ഞത്.
രാജ്യത്ത് ഏറ്റവും കൂടുതൽക്കാലം ചീഫ് ജസ്റ്റിസ് പദവിയിൽ കഴിഞ്ഞ ന്യായാധിപരിൽ ഒരാളാണ് ചന്ദ്രചൂഢ്. ജസ്റ്റിസ് ഖന്നയ്ക്ക് പക്ഷെ, ആറ് മാസമാണ് പദവയിൽ കഴിയാനാവുക. 2025 മേയ് 13-ന് ജസ്റ്റിസ് ഖന്ന വിരമിക്കും. സുപ്രീംകോടതിയിലെ മുതിർന്ന് അഭിഭാഷകനാണ് സഞ്ജിവ് ഖന്ന. 1983ൽ ഡൽഹി ബാർ കൗൺസിലിൽ അഭിഭാഷകനായാണ് സഞ്ജിവ് ഖന്ന കരിയർ ആരംഭിക്കുന്നത്. ഡൽഹി ഹൈക്കോടതിൽ അദ്ദേഹം പ്രാക്ടീസ് ചെയ്തു. ഡൽഹി ഹൈക്കോടതിയിലെ ക്രിമിനൽ പ്രോസിക്യൂട്ടർ, അമിക്കസ് ക്യൂറി തുടങ്ങിയ പദവികൾ അദ്ദേഹം വഹിച്ചു. 2005ൽ ഡൽഹി ഹൈക്കോടതിയിൽ അഡീഷണൽ ജഡ്ജിയായി കയറി. പിന്നീട് 2006ൽ സ്ഥിരം ജഡ്ജിയായി അദ്ദേഹം മാറി. കേന്ദ്ര നിയമ മന്ത്രി അർജുൻ മേഘവാളാണ് ചീഫ് ജസ്റ്റിസിന്റെ അധികാരമേൽക്കൽ സംബന്ധിച്ച് എക്സ് അക്കൗണ്ടിലൂടെ അറിയിച്ചത്.
ഡിവൈ ചന്ദ്രചൂഢുമായി കൂടിയാലോചിച്ചാണ് തീരുമാനം അന്തിമമാക്കിയതെന്ന് അദ്ദേഹം അറിയിച്ചു. സഞ്ജിവ് ഖന്നയെ തന്റെ പിൻഗാമിയായി നിയമിക്കണമെന്ന് അറിയിച്ച് കേന്ദ്രത്തിന് ചന്ദ്രചൂഢ് കത്തെഴുതിയിരുന്നു. വിരമിക്കുന്ന ചീഫ് ജസ്റ്റിസുമാർക്ക് ഇങ്ങനെ തന്റെ പിൻഗാമിയെ നിർദ്ദേശിക്കാൻ അവകാശമുണ്ട്. ജമ്മു-കശ്മീരിന് പ്രത്യേക പദവി നൽകിയ ഭരണഘടനയുടെ 370-ാം അനുച്ഛേദം റദ്ദാക്കിയ നടപടി ശരിവെച്ച ബഞ്ചിലും സഞ്ജിവ് ഖന്ന ഉണ്ടായിരുന്നു. മദ്യനയക്കേസിൽ അറസ്റ്റിലായ ഡൽഹി മുഖ്യമന്ത്രി അരവിന്ദ് കെജ്‌രിവാളിന് ലോക്‌സഭാ തിരഞ്ഞെടുപ്പ് പ്രചാരണത്തിൽ പങ്കെടുക്കാൻ ഇടക്കാലജാമ്യം നൽകിയതും ജസ്റ്റിസ് ഖന്ന അധ്യക്ഷനായ ബെഞ്ചാണ്.
Find out more:
click and follow Indiaherald WhatsApp channel