ബിജെപി ബന്ധം അവസാനിപ്പിച്ച് സന്ദീപ് വാര്യർ കോൺഗ്രസിൽ! സന്ദീപ് വാര്യരെ കോൺഗ്രസിലേക്ക് സ്വാഗതം ചെയ്തത് കെപിസിസി പ്രസിഡൻ്റ് കെ സുധാകരനാണ്. നിലവിൽ ബിജെപി സംസ്ഥാന കമ്മിറ്റി അംഗമാണ് സന്ദീപ്. ബിജെപി ബന്ധം അവസാനിപ്പിച്ച് സന്ദീപ് വാര്യർ കോൺഗ്രസിൽ. പാലക്കാട് ഉപതെരഞ്ഞെടുപ്പ് വോട്ടെടുപ്പിന് ദിവസങ്ങൾ മാത്രം അവശേഷിക്കെയാണ് സന്ദീപ് ബിജെപി വിട്ട് കോൺഗ്രസിൽ എത്തിയത്.സന്ദീപ് വാര്യരുടെ കോൺഗ്രസ് പ്രവേശനത്തിന് എഐസിസി അംഗീകാരം നൽകിയതോടെയാണ് പ്രഖ്യാപനം ഉണ്ടായത്. കോൺഗ്രസ് സംസ്ഥാന നേതൃത്വം രണ്ട് ദിവസം മുൻപ് വിഷയത്തിൽ ധാരണയാകുകയും ഹൈക്കമാൻഡിനെ അറിയിക്കുകയും ചെയ്തിരുന്നു.പാലക്കാട് ഉപതെരഞ്ഞെടുപ്പിൻ്റെ നിർണായക ഘട്ടത്തിലാണ് ബിജെപിയെ ഞെട്ടിച്ച് സന്ദീപ് വാര്യർ കോൺഗ്രസിൽ എത്തുന്നത്.
ഇതുസംബന്ധിച്ച് ദിവസങ്ങളായി ചർച്ചകൾ നടന്നിരുന്നു. ഹൈക്കമാൻഡ് പച്ചക്കൊടി കാട്ടിയതോടെയാണ് പ്രഖ്യാപനമുണ്ടായത്. പാലക്കാട്ടെ സ്ഥാനാർഥി നിർണയവുമായി ബന്ധപ്പെട്ട് ബിജെപി സംസ്ഥാന നേതൃത്വവുമായി സന്ദീപ് വാര്യർ ഇടഞ്ഞിരുന്നു. സന്ദീപ് വാര്യർ സിപിഎമ്മുമായി ചർച്ച നടത്തിയതായുള്ള വാർത്തകളും പുറത്തുവന്നിരുന്നു. പിന്നാലെയാണ് കോൺഗ്രസിലേക്ക് എത്തുന്നതിലടക്കം ചർച്ച നടന്നത്.ഇതൊരു അപ്രസക്തമായ തിരക്കഥയാണെന്ന് ബിജെപി സംസ്ഥാന അധ്യക്ഷൻ കെ സുരേന്ദ്രൻ പറഞ്ഞു. സന്ദീപിന് കോൺഗ്രസിൽ കസേരികൾ ലഭിക്കട്ടെ. അദ്ദേഹം ബലിദാനികളെ വഞ്ചിച്ചു. നടപടികൾ സ്വീകരിക്കാൻ മാത്രമുള്ള നേതാവല്ല സന്ദീപ്.
അദ്ദേഹം ബിജെപിയിൽ നിന്ന് പോകുന്നത് പാർട്ടിയിൽ ഒരു ചലനവും ഉണ്ടാക്കില്ലെന്ന് പരിഹാസത്തോടെ കെ സുരേന്ദ്രൻ കൂട്ടിച്ചേർത്തു. ബിജെപി വെറുപ്പ് മാത്രം ഉത്പാദിപ്പിക്കുന്ന ഫാക്ടറി ആണെന്ന് കോൺഗ്രസിൽ എത്തിയ സന്ദീപ് വാര്യർ പറഞ്ഞു. സ്നേഹത്തിന്റെ കടയിൽ അംഗത്വം എടുക്കാൻ കഴിഞ്ഞതിൽ സന്തോഷം എന്നും സന്ദീപ് വാര്യർ കൂട്ടിച്ചേർത്തു. ജനാധിപത്യത്തെ മാനിക്കാത്ത സിസ്റ്റമായിരുന്നു ബിജെപിയിൽ ഉണ്ടായിരുന്നത്. എന്നും തനിക്ക് അഭിപ്രായസ്വാതന്ത്ര്യം ഇല്ലായിരുന്നു. സിപിഎമ്മുമായുള്ള അഡ്ജസ്റ്റ്മെന്റ് രാഷ്ട്രീയത്തിൽ ആയിരുന്നു ബിജെപിയെന്ന് സന്ദീപ് വാര്യർ പറഞ്ഞു.
വാർത്താ സമ്മേളനത്തിൽ ബിജെപി സംസ്ഥാന നേതൃത്വത്തിനെതിരെ രൂക്ഷമായ ഭാഷയിലാണ് സന്ദീപ് വിമർശനം നടത്തിയത്. കേരളത്തിൻ്റെ ചുമതലയുള്ള എഐസിസി സെക്രട്ടറി ദീപാ ദാസ് മുൻഷി, കെപിസിസി പ്രസിഡൻ്റ് കെ സുധാകരൻ, പ്രതിപക്ഷ നേതാവ് വിഡി സതീശൻ ഉൾപ്പെടെയുള്ളവർ സന്ദീപിനെ പാർട്ടിയിലേക്ക് സ്വീകരിച്ചത്. നേതാക്കൾ കൈകൊടുത്തും ഷാൾ അണിയിച്ചു ആലിംഗനം ചെയ്തുമാണ് സന്ദീപിനെ വേദിയിലേക്ക് സ്വീകരിച്ചത്. വേദിയിൽ നേതാക്കൾക്കൊപ്പം ഇരിപ്പിടം നൽകുകയും ചെയ്തു.
Find out more:
click and follow Indiaherald WhatsApp channel