ഭീഷണിയുമായി ട്രംപ്; കീഴടങ്ങാതെ കാനഡ! കാനഡയ്ക്കും മെക്സിക്കോയ്ക്കും 25% തീരുവ ചുമത്തുമെന്ന് ട്രംപ് ആവർത്തിച്ച് പറയുമ്പോൾ കാനഡയും മുന്നറിയിപ്പ് നൽകിയിരിക്കുകയാണ്. ഫെബ്രുവരി 1 മുതൽ ചൈനയ്ക്കും തീരുവ ചുമത്തുമെന്നാണ് ട്രംപ് മുന്നറിയിപ്പ് നൽകുന്നത്. ട്രംപ് അധികാരത്തിൽ എത്തുമ്പോൾ ലോകത്ത് കാര്യമായ മാറ്റങ്ങൾ സംഭവിക്കാൻ സാധ്യതയുണ്ടെന്ന് തുടക്കം മുതൽ തന്നെ വിദഗ്ധർ മുന്നറിയിപ്പ് നൽകിയിരുന്നു. ഇതിനുപിന്നാലെ ലോകം വ്യാപാരയുദ്ധത്തിലേക്ക് പോകാൻ സാധ്യതയുണ്ടെന്ന് സാമ്പത്തിക വിദഗ്ധർ മുന്നറിയിപ്പ് നൽകുകയും ചെയ്തു.കാനഡ , മെക്സിക്കോ, ചൈന എന്നീ രാജ്യങ്ങളെയാണ് ട്രംപ് ലക്‌ഷ്യം വെയ്ക്കുന്നതെങ്കിലും ഇന്ത്യയ്ക്കും ട്രംപ് കനത്ത തിരിച്ചടിയിലാണ് നൽകിയിരിക്കുന്നത്. കുടിയേറ്റ നിയന്ത്രണം കൊണ്ടുവരുമ്പോൾ ഇന്ത്യക്കാർക്കും തിരിച്ചുവരണ്ടി വരും.
യുഎസിൽ അനധികൃതമായി താമസിക്കുന്ന 18,000 കുടിയേറ്റക്കാരെ ഇന്ത്യൻ സർക്കാർ തിരിച്ചറിഞ്ഞതായും മാധ്യമങ്ങൾ റിപ്പോർട്ട് ചെയ്യുന്നുണ്ട്. അമേരിക്കയിലേക്കുള്ള നിയമവിരുദ്ധ കുടിയേറ്റവും മയക്കുമരുന്ന് കടത്തും തടയുന്നതിൽ കാനഡയും മെക്‌സിക്കോയും പരാജയപ്പെട്ടുവെന്ന് എന്നാണ് ട്രംപ് ആവർത്തിച്ച് പറയുന്നത്. യു.എസിന്റെ സുവർണകാലം തുടങ്ങിയെന്ന പ്രഖ്യാപനത്തോടെയാണ് 47-ാം പ്രസിഡന്റ് ഡൊണാൾഡ് ട്രംപ് ഭരണം ആരംഭിച്ചത്. യുഎസ്സിനെ മഹത്തരവും സമ്പന്നവുമാക്കുമെന്ന തിരഞ്ഞെടുപ്പുപ്രചാരണവാഗ്ദാനം ട്രംപ് പൂർണമായും നടപ്പിലാക്കുമെന്ന കാര്യത്തിൽ ഏകദേശം വ്യക്തത വന്നിരിക്കുകയാണ്. യുഎസ്സിനെ പൂർണമായി വീണ്ടെടുക്കാൻ ചരിത്രപരമായ എക്സിക്യുട്ടീവ് ഉത്തരവുകളിൽ ഒപ്പിടുമെന്നും പ്രസിഡന്റ് അറിയിച്ചിരിക്കുകയാണ്.
യു.എസ്സിന്റെ ശക്തി എല്ലാ യുദ്ധങ്ങളും അവസാനിപ്പിക്കും. നമ്മെ കീഴടക്കാനാവില്ലെന്നും തകർക്കാനും തോൽപ്പിക്കാനുമാകില്ലെന്നും ട്രംപ് ആവർത്തിച്ച് പറയുകയും ചെയ്യുന്നുണ്ട്.നിലപ്പാവിലെ റിപ്പോർട്ട് അനുസരിച്ച് കാനഡയും യുഎസിന് തീരുവ ചുമത്തുമെന്നാണ് മുന്നറിയിപ്പ് നൽകിയത്. ഡൊണാൾഡ് ട്രംപ് തീരുവ ചുമത്തിയാൽ സാധ്യമാകുന്ന എല്ലാ രീതിയിലും തിരിച്ചടിക്കുമെന്നാണ് ജസ്റ്റിൻ ട്രൂഡോയുടെ പ്രതികരണം. അമേരിക്കയെ കാനഡയോട് ചേർക്കണമെന്ന് ട്രംപ് ആവർത്തിച്ച് പറയുമ്പോൾ അതിനും രാജ്യം ശക്തമായ മറുപടി നൽകിയിരുന്നു. രാജ്യം വിൽക്കാൻ വെച്ചിരിക്കുകയല്ല എന്നാണ് കാനഡ മറുപടി നൽകിയത്.
ട്രംപ് ഇതേനിലപാട് തുടരുകയാണെങ്കിൽ അമേരിക്കയ്ക്ക് നൽകുന്ന ഊർജ്ജ വിതരണം വെട്ടിക്കുറയ്ക്കണമെന്നും പ്രീമിയർമാർ നിർദ്ദേശം മുൻപോട്ട് വെയ്ക്കുകയും ചെയ്തു. താരിഫുകൾക്ക് പ്രതികാരമായി കാനഡ അമേരിക്കയിലേക്കുള്ള ഊർജ വിതരണം നിർത്തലാക്കുമെന്ന് ഒരു മുതിർന്ന കനേഡിയൻ ഉദ്യോഗസ്ഥൻ മുന്നറിയിപ്പ് നൽകുകയും ചെയ്തിരുന്നു. മിഷിഗണിലേക്കും ന്യൂയോർക്ക് സ്റ്റേറ്റിലേക്കും വിസ്കോൺസിനിലേക്കും പോകുന്ന അവരുടെ ഊർജ്ജം വിച്ഛേദിക്കുന്നതിലേക്ക് കാനഡയെ എത്തിക്കരുതെന്നാണ് കാനഡ മുന്നറിയിപ്പ് നൽകുന്നത്.
Find out more:
click and follow Indiaherald WhatsApp channel