മധുര, കോയമ്പത്തൂർ മെട്രോ റെയിൽ; 6 മാസത്തിനകം അനുമതി! പദ്ധതികളുമായി ബന്ധപ്പെട്ട നിർദേശങ്ങൾ കേന്ദ്രത്തിന് കൈമാറിയെന്നും പദ്ധതികൾക്ക് അടുത്ത ആറോ, ഒൻപതോ മാസങ്ങൾക്കകം അനുമതി ലഭിക്കുമെന്ന് സിഎംആർഎൽ മാനേജിങ് ഡയറക്ടർ എംഎ സിദ്ദിഖ് അറിയിച്ചു. മധുരയിലെയും കോയമ്പത്തൂരിലെയും മെട്രോ റെയിൽ പദ്ധതികൾക്ക് വൈകാതെ കേന്ദ്ര സർക്കാരിൽ നിന്ന് അനുമതി ലഭിക്കുമെന്ന് ചെന്നൈ മെട്രോ റെയിൽ ലിമിറ്റഡ് (സിഎംആർഎൽ). ഭൂഗർഭ ഭാഗങ്ങൾ പൂർത്തിയാകാൻ ഏകദേശം 4.5 വർഷവും എലിവേറ്റഡ് സ്ട്രെച്ചുകൾ പൂർത്തിയാകാൻ മൂന്ന് മുതൽ 3.5 വർഷംവരെ എടുക്കുമെന്നും അദ്ദേഹം കൂട്ടിച്ചേർത്തു. മെട്രോ റെയിൽ ടണൽ ബോറിങ് മെഷീനുകൾ ഉപയോഗിച്ച് മാത്രമാകും പൂർത്തിയാക്കുക.
സ്ഫോടനം പോലെയുള്ള മാർഗങ്ങൾ ഉപയോഗിക്കില്ല. നഗരത്തിലെ ഏതെങ്കിലും ഘടനയ്ക്ക് കേടുപാടുകൾ വരുത്തുമെന്ന ആശങ്ക വേണ്ടെന്ന് സിദ്ദിഖ് വ്യക്തമാക്കി. മധുര മെട്രോ റെയിൽ പദ്ധതിയുടെ ഡിപിആർ കേന്ദ്രം അംഗീകരിക്കുമെന്നാണ് സിഎംആർഎൽ കരുതുന്നത്. ഭൂമി ഏറ്റെടുക്കുന്നതിനും യൂട്ടിലിറ്റി ലൈനുകൾ മാറ്റുന്നതിനുമുള്ള അടിസ്ഥാന പ്രവർത്തനങ്ങൾ ആരംഭിക്കാൻ നിർദേശം നൽകി. വൈദ്യുതി ലൈനുകൾ, കുടിവെള്ള പൈപ്പ്‌ലൈനുകൾ, ഡ്രെയിനേജ് സംവിധാനങ്ങൾ തുടങ്ങിയ മാറ്റിസ്ഥാപിക്കുന്നതിന് സമയം ആവശ്യമാണ്. ജില്ലാ ഭരണകൂടവുമായി ഏകോപിപ്പിച്ച് കോയമ്പത്തൂരിൽ സമാനമായ യൂട്ടിലിറ്റി പ്ലാനിംഗ് ആരംഭിക്കുമെന്ന് സിദ്ദിഖ് പറഞ്ഞു. ഭൂമി ഏറ്റെടുക്കൽ ഉൾപ്പെടെയുള്ള ജോലികൾക്ക് പദ്ധതി ചെലവിന്റെ 10 ശതമാനം തുക ആവശ്യമാണ്.
മധുര, കോയമ്പത്തൂർ പദ്ധതികളുടെ വിശദമായ റിപ്പോർട്ടുകൾ കൈമാറിയെങ്കിലും അംഗീകാരത്തിനായി രണ്ട് പദ്ധതികളെയും ഒന്നായി കണക്കാക്കുകയാണെന്ന് എംഎ സിദ്ദിഖ് പറഞ്ഞു. മെട്രോ ലൈൻ ആർക്കിയോളജിക്കൽ സർവേ ഓഫ് ഇന്ത്യ (എഎസ്ഐ) മാനദണ്ഡങ്ങൾ പാലിച്ചാണ് രൂപകൽപ്പന ചെയ്തിരിക്കുന്നത്. മീനാക്ഷി അമ്മൻ ക്ഷേത്രത്തിൽ നിന്ന് 100 മീറ്ററിലധികം അകലം പാലിക്കുന്നുണ്ടെന്നും അദ്ദേഹം കൂട്ടിച്ചേർത്തു.മധുര മെട്രോ റെയിൽ പദ്ധതിക്ക് 11,368 കോടി രൂപയാണ് പ്രതീക്ഷിക്കുന്ന ചെലവ്. തമിഴ്നാടിൻ്റെ വ്യവസായ നഗരങ്ങളിലൊന്നായ കോയമ്പത്തൂരിലെ ഗതാഗത സംവിധാനം കാര്യക്ഷമമാക്കാനുള്ള റെയിൽ പദ്ധതിക്ക് 10,740 കോടി രൂപയാണ് ചെലവ് കണക്കാക്കുന്നത്.
മധുര ജില്ലയിലെ ഒതക്കടൈ മുതൽ തിരുമംഗലം വരെ 32 കിലോമീറ്റർ ദൈർഘ്യമുള്ളതാണ് നിർദിഷ്ട മെട്രോ റെയിൽ പദ്ധതി. 5.5 കിലോമീറ്റർ പാത ഭൂഗർഭപാതയായും ബാക്കി 26.5 കിലോമീറ്റർ എലിവേറ്റഡ് പാതയുമാകും. റൂട്ടിൽ 26 സ്റ്റേഷനുകൾ നിർമിക്കാൻ സിഎംആർഎൽ നിർദേച്ചിട്ടുണ്ട്. ഭൂഗർഭപാതയുടെ നിർമാണ പ്രവർത്തനങ്ങൾക്ക് 4.5 വർഷം വരെയും എലിവേറ്റഡ് പാതയ്ക്ക് 3.5 വർഷം വരെയും വേണ്ടിവരും.
Find out more:
click and follow Indiaherald WhatsApp channel