എംഎൽഎമാർക്ക് ഉച്ചയൂണിന് ശേഷം റിക്ലൈനർ കസേരയിൽ മയങ്ങാം; അടിമുടി മാറി കർണാടക നിയമസഭ! നിയമസഭാ ലോഞ്ചിൽ രണ്ട് മസാജ് കസേരകൾ ഉൾപ്പെടെ 15 റിക്ലൈനർ കസേരകൾ സ്ഥാപിച്ചു. നിയമസഭാ ബജറ്റ് സമ്മേളനത്തിലുടനീളം എംഎൽഎമാരുടെ പങ്കാളിത്തം വർധിപ്പിക്കുന്നതിനായി സ്പീക്കർ യുടി ഖാദറിൻ്റെ നിർദേശപ്രകാരമാണ് 15 റിക്ലൈനർ കസേരകൾ വാടകയ്ക്ക് ലോഞ്ചിൽ സ്ഥാപിച്ചത്.കർണാടക നിയമസഭയിൽ എംഎൽഎമാർക്ക് ഇനി ഉച്ചയൂണിന് ശേഷം റിക്ലൈനർ കസേരയിൽ ഇരുന്ന് മയങ്ങാം. അതേസമയം സ്പീക്കറുടെ വാദം തള്ളിയ ബിജെപി സഭയിൽ റിക്ലൈനർ കസേരകൾ സ്ഥാപിക്കാൻ ആവശ്യപ്പെട്ടിട്ടില്ലെന്ന് പറഞ്ഞു. എന്താണ് സ്പീക്കറെ ഇത്തരമൊരു തീരുമാനത്തിലേക്ക് നയിച്ചതെന്ന് തനിക്കറിയില്ലെന്ന് ബിജെപി സംസ്ഥാന അധ്യക്ഷൻ ബിവൈ വിജയേന്ദ്ര പറഞ്ഞു. ബിജെപി എംഎൽഎമാർ ഒരിക്കലും ഇത് ആവശ്യപ്പെട്ടിട്ടില്ലെന്നും അദ്ദേഹം കൂട്ടിച്ചേർത്തു.
നേരത്തെ സഭയിലെ ഹാജർ ഉയർത്താനായി സ്പീക്കർ സൗജന്യ പ്രഭാതഭക്ഷണവും ഉച്ചഭക്ഷണവും സാമാജികർക്കായി ഏർപ്പെടുത്തിയിരുന്നു. ഇതുവഴി ഹാജർ വർധിച്ചുവെന്നാണ് സ്പീക്കറുടെ പക്ഷം. റിക്ലൈനർ കസേരകൾ ആഡംബരമല്ലെന്നും ആവശ്യകതയാണെന്നും യുടി ഖാദർ പറഞ്ഞു. ബിജെപി ഉൾപ്പെടെ ഇത് ആവശ്യപ്പെട്ടുവെന്നും യുടി ഖാദർ അവകാശപ്പെട്ടു. "എംഎൽഎമാർക്ക് സൗകര്യമൊരുക്കേണ്ടത് സ്പീക്കർ എന്ന നിലയിൽ തൻ്റെ ഉത്തരവാദിത്തമാണ്. റിക്ലൈനർ കസേര ഒരു ആഡംബരമല്ല, അത് ആവശ്യമാണ്. എല്ലാ എംഎൽഎമാരും ചെറുപ്പക്കാരല്ലെന്നും എല്ലാവരും ആരോഗ്യമുള്ളവരല്ലെന്നും ജനങ്ങൾ മനസ്സിലാക്കണം"- സ്പീക്കർ പറഞ്ഞു.
സഭയിൽ ഉച്ചകഴിഞ്ഞ് ഹാജർ കുറയുന്നത് ഒഴിവാക്കാനായി 15 റിക്ലൈനർ കസേരകൾ വാടയ്ക്ക് എടുക്കാൻ തീരുമാനിച്ചുവെന്നും ഇവ സഭയിലെ ലോബിയിൽ സ്ഥാപിക്കുമെന്നും സ്പീക്കർ അറിയിച്ചിരുന്നു. ഇതിലൂടെ ഉച്ചയൂണിന് ശേഷം സാമാജികർക്ക് അൽപനേരം മയങ്ങിയ ശേഷം തുടർ സഭാ നടപടിക്രമങ്ങളിൽ പങ്കെടുക്കാനാകും. സഭാ സമ്മേളനത്തിന് ശേഷം റിക്ലൈനർ കസേരകൾ ഉപയോഗമില്ലാതെ കിടക്കുമെന്നതിനാലാണ് വാടയ്ക്ക് എടുക്കാൻ തീരുമാനിച്ചത്. സമ്മേളനം പൂർത്തിയാകുന്നതോടെ കസേരകൾ മാറ്റുമെന്നും സ്പീക്കർ അറിയിച്ചു. ഉച്ചയൂണിന് ശേഷം നടക്കുന്ന സഭാ സമ്മേളനത്തിൽ പങ്കെടുക്കാതെ എംഎൽഎമാർ മടങ്ങുന്നത് പതിവായ സാഹചര്യത്തിലാണ് സ്പീക്കർ യുടി ഖാദറിൻ്റെ ഇടപെടൽ.
ഉച്ചയൂണിന് ശേഷമുള്ള സഭാ സമ്മേളനത്തിൽ അംഗസംഖ്യ കുറഞ്ഞതാണ് റിക്ലൈനർ കസേര വാടകയ്ക്ക് എടുക്കാൻ സ്പീക്കറെ പ്രേരിപ്പിച്ചത്. മസാജ് കസേരയ്ക്ക് 10000 രൂപയും റിക്ലൈനർ കസേര ഒന്നിന് 1500 രൂപയുമാണ് പ്രതിദിന വാടകയെന്നാണ് ഇന്ത്യ ടുഡേയുടെ റിപ്പോർട്ട്.നിയമസഭാ ലോഞ്ചിൽ രണ്ട് മസാജ് കസേരകൾ ഉൾപ്പെടെ 15 റിക്ലൈനർ കസേരകൾ സ്ഥാപിച്ചു. നിയമസഭാ ബജറ്റ് സമ്മേളനത്തിലുടനീളം എംഎൽഎമാരുടെ പങ്കാളിത്തം വർധിപ്പിക്കുന്നതിനായി സ്പീക്കർ യുടി ഖാദറിൻ്റെ നിർദേശപ്രകാരമാണ് 15 റിക്ലൈനർ കസേരകൾ വാടകയ്ക്ക് ലോഞ്ചിൽ സ്ഥാപിച്ചത്.
Find out more:
click and follow Indiaherald WhatsApp channel