ಮುಂಬೈ: ಹಿಟ್ ಮ್ಯಾನ್, ಟೀಂ ಇಂಡಿಯಾದಲ್ಲಿ ನಿಂತಲ್ಲೇ ಸಿಕ್ಸರ್ ಸಿಡಿಸಿ ಏಕಾಂಗಿಯಾಗಿ ಪಂದ್ಯ ಗೆಲ್ಲಿಸಿಕೊಡಬಲ್ಲ ಆಟಗಾರ. ಅದರಲ್ಲೂ ಟೀ-ಟ್ವಂಟೀ, ಏಕದಿನ ಪಂದ್ಯದಲ್ಲಿ ದೈತ್ಯ ಬ್ಯಾಟ್ಸ್ ಮ್ಯಾನ್. ಇದೀಗ ವೆಸ್ಟ್ ಇಂಡೀಸ್ ವಿರುದ್ಧ ನಡೆದ ಮೂರನೇ ಮತ್ತು ಅಂತಿಮ ಟಿ-20 ಕ್ರಿಕೆಟ್ ಪಂದ್ಯದಲ್ಲಿ ಹಿಟ್ಮ್ಯಾನ್ ಖ್ಯಾತಿಯ ರೋಹಿತ್ ಶರ್ಮಾ ವಿಶಿಷ್ಟ ದಾಖಲೆ ನಿರ್ಮಿಸಿದ್ದಾರೆ. ಹೌದು, ಟೀಂ ಇಂಡಿಯಾ ಆಟಗಾರ ನಿಂದ ಏನಪ್ಪಾ ಅದು ಸಿಕ್ಸರ್ ಸಿಡಿಸಿ ದಾಖಲೆ ಬರೆಯೋದು ಎಂದು ಆಶ್ಚರ್ಯ ವಾದರೂ ಸಹ ನಂಬಲೇಬೇಕಾದ ವಿಷಯವಿದು.
ಮುಂಬೈ ರೋಹಿತ್ ನ ನೆಚ್ಚಿನ ಮತ್ತು ತವರು, ಹೆಚ್ಚು ಅಭ್ಯಾಸ ವಿರುವ ಮೈದಾನ. ಈ ಮೈದಾನದ ಕಣಕಣವೂ ಅರಿತಿರುವ ರೋಹಿತ್ ಮೂಲೆ ಮೂಲೆಗೂ ಚೆಂಡಿಗೆ ದರ್ಶನ ಮಾಡಿ ಸಿದವರು. ಇದೀಗ 3ನೇ ಟೀ-ಟ್ವಂಟೀ ಪಂದ್ಯದಲ್ಲಿ ವಾಂಖೆಡೆ ಸ್ಟೇಡಿಯಂನಲ್ಲಿ ಭರ್ಜರಿ ಬ್ಯಾಟಿಂಗ್ ನಡೆಸಿದ ರೋಹಿತ್, ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಭಾರತದ ಪರ 400 ಸಿಕ್ಸರ್ ಸಿಡಿಸಿದ ಏಕಮೇವ ಬ್ಯಾಟ್ಸ್ಮನ್ ಎಂಬ ಕೀರ್ತಿಗೆ ಭಾಜನರಾಗಿದ್ದಾರೆ. ಅಲ್ಲದೇ ಜಾಗತಿಕ ಕ್ರಿಕೆಟ್ನಲ್ಲಿ 400 ಸಿಕ್ಸರ್ ಸಿಡಿಸಿದವರಲ್ಲಿ ಮೂರನೇಯವರಾಗಿ ದಾಖಲೆ ಬರೆದಿದ್ದಾರೆ. ಶೆಲ್ಡಾನ್ ಕಾಟ್ರೆಲ್ ಎಸೆದ ಮೂರನೇ ಓವರ್ನಲ್ಲಿ ಚೆಂಡನ್ನು ಡೀಪ್ ಮಿಡ್ ವಿಕೆಟ್ ಮೇಲೆ ಪ್ರೇಕ್ಷಕರ ಗ್ಯಾಲರಿಗಟ್ಟಿದಾಗ ಈ ವಿಶಿಷ್ಟ ದಾಖಲೆ ನಿರ್ಮಾಣವಾಯಿತು. 71ರನ್ಗಳ ಅವರ ಆಟದಲ್ಲಿ 5ಸಿಕ್ಸರ್ಗಳು ಸೇರಿದ್ದವು.
ವೆಸ್ಟ್ ಇಂಡೀಸ್ನ ಬ್ಯಾಟಿಂಗ್ ದಿಗ್ಗಜ ಕ್ರಿಸ್ ಗೇಲ್ 534 ಸಿಕ್ಸರ್ ಮೂಲಕ ವಿಶ್ವದಲ್ಲಿ ಅತಿ ಹೆಚ್ಚು ಸಿಕ್ಸರ್ ಸಿಡಿಸಿದವರ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದ್ದಾರೆ. ಪಾಕಿಸ್ತಾನದ ಆಲ್ರೌಂಡರ್ ಶಾಹಿದ್ ಅಫ್ರೀದಿ ಎರಡನೇ ಸ್ಥಾನದಲ್ಲಿದ್ದು 476ಸಿಕ್ಸರ್ ಸಿಡಿಸಿದ್ದಾರೆ.ಹಿಟ್ ಮ್ಯಾನ್ ಖ್ಯಾತಿಯ ರೋಹಿತ್ ಶರ್ಮ ಇವರಿಬ್ಬರನ್ನು ಮೀರಿ ಮೊದಲನೇ ಸ್ಥಾನಕ್ಕೇರಲಿ ಎಂಬುದುಅಭಿಮಾನಿಗಳ ಆಶಯವಾಗಿದೆ. ಹಿಟ್ ಮ್ಯಾನ್ ನಾಯಕನಾಗಿಯೂ ಸಹ ಈ ಹಿಂದೆ ದಾಖಲೆ ಬರೆದಿದ್ದರು. ಟೆಸ್ಟ್ ಕ್ರಿಕೆಟ್ ನಲ್ಲಿಯೂ ಸಹ ನನ್ನ ದಾಖಲೆ ಮುರಿಯಲು ರೋಹಿತ್ ಶರ್ಮಾ ಅವರಿಂದ ಮಾತ್ರ ಸಾಧ್ಯ ಎಂದು ಇತ್ತೀಚೆಗಷ್ಟೇ ತ್ರಿಬಲ್ ಸೆಂಚುರಿ ಭಾರಿಸಿದ ಡೇವಿಡ್ ವಾರ್ನರ್ ರೋಹಿತ್ ಬಗ್ಗೆ ಮಾತನಾಡಿದ್ದರು.
click and follow Indiaherald WhatsApp channel