వాస్తవంగా చెప్పాలంటే ఇంతకన్నా మంచి టీం దొరకడం ఏ ఫ్రాంచైజీ కన్నా కష్టమే అని చెప్పాలి. కానీ ఎందుకనో ఈ లీగ్ లో ఒక టీం గా ఆడి ఇప్పటి వరకు 5 మ్యాచ్ లు ఆడగా కనీసం ఒక మ్యాచ్ లోనూ విజయం సాధించలేక చతికిలపడ్డారు. రాత్రి జరిగిన మ్యాచ్ లో బెంగుళూరు ఢిల్లీ పై 6 వికెట్ల తేడాతో పరాజయం చెందింది. ఈ మ్యాచ్ లో కూడా బెంగుళూరు తక్కువ స్కోర్ కే పరిమితం అయ్యేది. కానీ పెర్రీ మరియు రిచా ఘోష్ లు ఆఖర్లో చెలరేగడంతో 150 పరుగులు చేసింది. ఈ స్కోర్ ను డిపెండ్ చేయలేక స్మృతి మందన్న సేన చేతులెత్తేసింది. ఈ ఓటమితో టాప్ 3 లో చోటు దక్కించుకునే అవకాశాన్ని దాదాపుగా కోల్పోయిందనే చెప్పాలి.
ఈ టోర్నీలో ఒక్కో టీం మొత్తం 8 లీగ్ మ్యాచ్ లు ఆడనుండగా , బెంగుళూరు కు ఇక మూడు మ్యాచ్ లు మాత్రమే మిగిలాయి. మిగిలిన అన్ని మ్యాచ్ లు గెలిచినా టాప్ 3 కి చేరడం కష్టం అవుతుంది. టాప్ 3 కి చేరితేనే టైటిల్ కోసం పోరాడే అవకాశం అయినా ఉంటుంది. లేదా పురుషుల ఐపీఎల్ లగే టైటిల్ కోసం సంవత్సరాలు సంవత్సరాలు వెయిట్ చేస్తూనే ఉండాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి