ఈ ఆరోపణలు 2015-16 రామ్ స్లామ్ చాలెంజ్ మ్యాచ్ ఫిక్సింగ్ కు సంబంధించినవి. 2016 - 2017 మధ్య కాలంలో ఈ టీ20 టోర్నమెంట్‌లో మ్యాచ్‌లు ఫిక్స్ చేయడానికి ప్రయత్నించినందుకు క్రికెట్ సౌత్ ఆఫ్రికా (CSA) ఈ ముగ్గురితో పాటు మరో నలుగురు ఆటగాళ్లను నిషేధించింది. ఈ కేసులో గులాం బోడి ఇప్పటికే జైలు శిక్ష అనుభవించగా, జీన్ సైమ్స్, పుమి మట్షిక్వే 2021, 2022లో తప్పు ఒప్పుకున్నందుకు సస్పెండ్ పనిష్‌మెంట్ పొందారు.
లోన్వాబో త్సోత్సోబే, థమీ త్సోలేకిలే, ఎథీ మ్భలాటిలపై ఉన్న కేసులు ఫిబ్రవరి 2025 వరకు వాయిదా పడ్డాయి. మరో ఆటగాడు అల్విరో పెటర్సన్‌పై ఏ చర్యలు తీసుకున్నారనే విషయంపై ఇంకా ఎలాంటి సమాచారం తెలియ రాలేదు. ఈ ఆటగాళ్లందరినీ క్రికెట్ సౌత్ ఆఫ్రికా (CSA) రెండు నుంచి 12 సంవత్సరాల వరకు నిషేధించింది. 2000లో హన్సీ క్రోన్యే మ్యాచ్ ఫిక్సింగ్ కుంభకోణం జరిగిన తర్వాత అవినీతి నిరోధక చట్టం తీసుకువచ్చారు. క్రీడల్లో అవినీతికి పాల్పడిన ఆటగాళ్లపై ఈ చట్టం ఉపయోగించిన తొలి సందర్భం ఇదేనని భావిస్తున్నారు.
సౌతాఫ్రికా పోలీసు శాఖలోని ప్రత్యేక విభాగమైన హాక్స్ అనే సంస్థ ఈ కేసును విచారించింది. హాక్స్ సంస్థ క్రీడల పవిత్రతను కాపాడటం, అవినీతిని అంతం చేయడంపై దృష్టి సారించింది. విచారణ సమయంలో క్రికెట్ సౌత్ ఆఫ్రికా (CSA) ఎలాంటి మ్యాచ్ ఫిక్స్ చేయబడలేదని స్పష్టం చేసింది. ఎందుకంటే కుట్రదారుల ప్రణాళికలు విఫలమయ్యాయి. అయితే, గులాం బోడి ఇండియాకు చెందిన బుక్‌మేకర్ల సహాయంతో మూడు మ్యాచ్‌లను ఫిక్స్ చేయడానికి ప్రయత్నించాడని వెల్లడైంది. అయితే, ఆ మ్యాచ్‌ల్లో ఫిక్సింగ్ జరగలేదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి