![](https://www.indiaherald.com/cdn-cgi/image/width=750/imagestore/images/technology/sports_videos/motorola2ccc885e-345f-4411-bef6-f71fc804b56b-415x250.jpg)
ഓൺലൈൻ ആയല്ല ഓഫ്ലൈൻ സ്റ്റോറുകൾ വഴി വാങ്ങുമ്പോൾ ആണ് 30,000 രൂപയുടെ ഡിസ്കൗണ്ട് ലഭിക്കുക. ഡിസ്കൗണ്ട് ചേർത്താൽ Rs 94,999 രൂപയ്ക്ക് ഇപ്പോൾ മോട്ടോറോളയുടെ സ്റ്റൈലിഷ് ഫോൺ സ്വന്തമാക്കാം. ഈ മാസത്തിന്റെ തുടക്കത്തിൽ റേസറിന്റെ പിൻഗാമി റേസർ 5G-യെ മോട്ടോറോള അവതരിപ്പിച്ചിരുന്നു. ഫോൺ മടക്കി വെച്ചിരിക്കുന്ന സമയത്ത് ഉപയോക്താവിന് 2.7 ഇഞ്ചുള്ള സെക്കണ്ടറി ഡിസ്പ്ലേയാണ് ഉപയോഗിക്കാൻ കഴിയുക. ക്വിക്ക് വ്യൂ എന്നറിയപ്പെടുന്ന ഈ ഡിസ്പ്ലേ ഉപയോഗിച്ച് സെൽഫികളെടുക്കാനും നോട്ടിഫിക്കേഷനുകൾ കാണാനും മ്യൂസിക് പ്ലേബാക്കുകൾ നിയന്ത്രിക്കാനും കഴിയും.കമ്പനിയുടെ മാസ്റ്റർപീസ് ഫ്ലിപ് ഫോണിനെയാണ് ഫോൾഡബിൾ സ്മാർട്ഫോണാക്കി അവതരിപ്പിച്ചിരിക്കുന്നത്. രണ്ട് ഡിസ്പ്ലേയാണ് റേസറിനുള്ളത്.
പ്രധാന ഡിസ്പ്ലേയ്ക്ക് 6.2 ഇഞ്ചാണ് വലിപ്പം. ആസ്പെക്ട് അനുപാതം 21:9 ആണ്. ഈ ഡിസ്പ്ലേയെ ഫ്ലക്സ് വ്യൂ ഡിസ്പ്ലേ എന്നാണ് മോട്ടറോള വിളിക്കുന്നത്.മൂന്നും നാലും ക്യാമറകളുമായി ഫോണുകൾ വിപണിയിലിറങ്ങുന്ന സമയത്ത് ഒരൊറ്റ ക്യാമറയാണ് റേസറിന്റെ പിന്ഭാഗത്തുള്ളത്. ഫോൺ മടക്കി വെയ്ക്കുമ്പോൾ ഈ ക്യാമറ സെൽഫി ക്യാമറയായും പ്രവർത്തിക്കും. 16 മെഗാപിക്സലാണ് സെൻസർ. F1.7 ലെൻസും ഡ്യൂവൽ പിക്സൽ ഓട്ടോഫോക്കസും ഈ സെൻസറിനുണ്ട്.
ഫോൺ നിവർത്തി ഉപയോഗിക്കുമ്പോൾ സെൽഫി എടുക്കണമെങ്കിൽ പ്രധാന ഡിസ്പ്ലേയുടെ ഏറ്റവും മുകളിലായി 5 മെഗാപിക്സലിന്റെ സെൽഫി ക്യാമറയുമുണ്ട്. സ്റ്റോക്ക് ആൻഡ്രോയ്ഡ് 9 പൈ ആണ് ഓപറേറ്റിംഗ് സിസ്റ്റം.സ്നാപ്ഡ്രാഗണ് 710 ചിപ്സെറ്റാണ് മോട്ടോറോളയുടെ ഫോൾഡബിൾ ഫോണിന് ശക്തി പകരുന്നത്. ശ്രദ്ധിക്കേണ്ട മറ്റൊരു കാര്യം റേസർ ഇ-സിം കാർഡ് മാത്രമേ സപ്പോർട്ട് ചെയ്യുകയുള്ളൂ. 6 ജിബി റാമും 128 ജിബി സ്റ്റോറേജുമായാണ് മോട്ടോറോള റേസറിന്. ഈ സ്റ്റോറേജ് വികസിപ്പിക്കാൻ കഴിയില്ല.