రాష్ట్రాభివృద్ధే లక్ష్యంగా సీఎం జగన్ తీసుకొచ్చిన మూడు రాజధానులని అమరావతి ప్రాంత రైతులు, ప్రజలు తీవ్రంగా వ్యతిరేకిస్తున్న విషయం తెలిసిందే. అమరావతిలోనే మొత్తం రాజధాని ఉండాలని డిమాండ్ చేస్తూ రెండు నెలల పై నుంచి ధర్నాలు, ఆందోళనలు చేస్తున్నారు. ఇక ఈ రాజధాని ప్రభావం గుంటూరు జిల్లాలో ఎక్కువగానే ఉంది. పైగా జిల్లాలో ఒక రేపల్లె ఎమ్మెల్యే తప్ప మిగతా వారంతా వైసీపీ ఎమ్మెల్యేలే ఉన్నారు. ఇప్పుడు వారు ప్రభుత్వం తీసుకున్న మూడు రాజధానులకు కట్టుబడి ఉండటం వల్ల, అక్కడి ప్రజలు వారిపై కాస్త ఆగ్రహంగా ఉన్నారు.
