మారుతీ సుజుకీకి చెందిన వ్యాగనార్ ఆర్, స్విఫ్ట్, ఆల్టో, బలెనొ, డిజైర్, ఈకో, విటారా బ్రీజా మోడళ్ళు, హ్యుండై కు చెందిన క్రెటా, గ్రాండ్ 10 ఎన్ఐఓఎస్, వెన్యూ కార్లు ఎక్కువగా భారతీయులు కొన్నారని తాజా సర్వేలో తేలింది. ఇది ఇలా ఉండగా ,మారుతీసుజుకీ మెయింటనెన్స్‌ షట్‌డౌన్‌ను పొడిగించింది. గత నెలలో మే1 నుంచి 9వ తేదీ వరకు షట్‌డౌన్‌ ఉంటుందని వెల్లడించిన మారుతీ.. ఇప్పుడు దానిని మే 16వ తేదీ వరకు పొడిగించినట్లు ప్రకటించింది. ఈ విషయాన్ని బాంబే స్టాక్‌ ఎక్స్ఛేంజీకి దాఖలు చేసిన రెగ్యూలేటరీ ఫైలింగ్‌లో పేర్కొంది. సుజుకీ మోటార్ కార్పొరేషన్‌కు చెందిన సుజుకీ మోటార్ గుజరాత్‌ ప్లాంట్‌ కూడా ఇలాంటి నిర్ణయాన్ని తీసుకున్నట్లు తెలుస్తుంది.
ఇండియాలో కరోనా మహమ్మారి కోరలు చాచుతుంది., దేశంలో చాలా చోట్ల లాక్‌డౌన్‌లు విధించడంతో డిమాండ్ తగ్గింది. దీనికి తోడు ఆక్సిజన్‌ ఉత్పత్తిపై మారుతీ దృష్టిపెట్టడం కూడా ఒక కారణం. భారత ప్రభుత్వం ఒరిజనల్‌ ఎక్విప్‌మెంట్‌ మ్యానుఫ్యాక్చరింగ్‌ సంస్థలను.. పరిశ్రమల ఆక్సిజన్‌ వినియోగం తగ్గించాలని కోరడంతో ఈ నిర్ణయం తీసుకొంది. ప్రస్తుతం దానిని వైద్య అవసరాలకు వినియోగిస్తున్నారు. ఏప్రిల్‌లో మారుతీ సుజుకీ మొత్తం 1,59,955 వాహనాలను ఉత్పత్తి చేసింది. మార్చి నెల(1,72,433)తో పోలిస్తే ఇది 7శాతం తక్కువ. కరోనా లాక్‌డౌన్లతో ఉత్పత్తి తగ్గినట్లు మారుతీ తన రెగ్యూలేటరీ ఫైలింగ్‌లో పేర్కొంది.. మారుతికి డిమాండ్ పెరిగినప్పుడు మళ్ళీ ఉత్పత్తిని ఓడలు పెట్టనున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి