జుట్టు రాలడం, చిట్లిపోవడం, పొడిబారడం ఇంకా అలాగే చుండ్రు వంటి ఎన్నో రకాల సమస్యలకు మెంతులు చాలా అద్భుతంగా పని చేస్తాయంటున్నారు. మెంతుల్లో విటమిన్ ఏ, సి ఇంకా కె పుష్కలంగా ఉంటాయి. ఇందులో జుట్టుకు అవసరమైన ప్రోటీన్స్, ఫోలిక్ యాసిడ్స్ ఉంటాయి.మెంతులు జుట్టు కుదుళ్లకు రక్త ప్రసరణను అందిస్తాయి.అయితే, మెంతులను ఇలా  వినియోగిస్తే ఈ ప్రయోజనాలను పొందవచ్చు. అదెలాగో ఇప్పుడు మనం తెలుసుకుందాం.జుట్టు సమస్యలతో బాధపడేవారు మెంతి గింజల పొడిని తీసుకోవాలి. అందులో ఒక టీస్పూన్ పెరుగు, ఆముదం ఇంకా అలాగే కలబంద జెల్ కలపాలి. తరువాత వాటిని బాగా పేస్ట్‌గా తయారు చేయాలి. ఇక ఆ పేస్ట్‌ను మీ జుట్టుకు అప్లై చేసి, ఒక 20 నుంచి 30 నిమిషాల వరకు అలాగే ఉంచుకోవాలి.ఇక ఆ తరువాత తేలికపాటి షాంపూతో బాగా శుభ్రంగా కడగాలి. ఇక ఈ పదార్థాలు జుట్టు రాలిపోవడాన్ని పూర్తిగా నిలిపివేసి,మీ జుట్టు పెరుగుదలకు దోహదపడుతాయి.


ఇంకా మరో టిప్ ఏంటంటే మెంతి గింజలను తీసుకొని వాటిని రాత్రంతా నానబెట్టి మరుసటిరోజు ఉదయం వాటిని బ్లెండ్ చేసి పేస్ట్ చేయాలి. ఆ తరువాత అందులో ఒక టీస్పూన్ కొబ్బరి నూనె కలపాలి. ఇంకా అలాగే, 2 టీస్పూన్ల మందార పొడిని కలపాలి. ఈ పేస్ట్‌ని జుట్టుకు అప్లై చేసి బాగా మసాజ్ చేయాలి. దీనిని ఒక 20-30 నిమిషాలు ఉండనివ్వాలి. ఆ తరువాత మంచి నీటితో గానీ, తేలికపాటి షాంపూతో గానీ కడగాలి. ఇది జుట్టు కుదుళ్లకు రక్త ప్రసరణను బాగా అందించి మెరుగుపరుస్తుంది. ఇక జుట్టు రాలే సమస్యను తగ్గిస్తుంది.ఇంకా అలాగే కొద్దిగా మెంతుల పొడిని తీసుకుని, అందులో ఒక అరటిపండు గుజ్జును వేయాలి. ఆ తరువాత ఇందులో అర టీ స్పూన్ తేనె వేసి బాగా పేస్ట్‌ లాగా తయారు చేయాలి. ఆ పేస్ట్‌ని మీ హెయిర్‌ మాస్క్‌గా అప్లై చేసుకోవాలి.ఇంకా ఒక అరగంట పాటు దానిని అలాగే ఉండనివ్వాలి. ఆ తరువాత తేలికపాటి షాంపూతో బాగా కడిగేయాలి. తేనె, అరటిపండు ఇంకా మెంతులతో చేసిన ఈ పేస్ట్.. తలలో తేమను లాక్ చేసి మీ జుట్టును బాగా మెరిసేలా చేస్తుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

beauty

Purushottham Vinay

12/11/2022 07:52 PM