ఇక బ్యూటీ పార్లర్ కు వెళ్లే పని లేకుండా మనం చాలా ఈజీగా ఇంట్లోనే మంచి ఫేషియల్ ను చేసుకోవచ్చు. అలాగే ఇందుకు ఉపయోగించే పదార్థాల్నీ కూడా మనకు చాలా సులభంగా దొరికేవే. ఇంట్లోనే ఈజీగా ఫేషియల్ ను ఎలా చేసుకోవాలి.. వీటికి కావల్సిన పదార్ధాలు ఏమిటో.. ఇప్పుడు మనం పూర్తిగా తెలుసుకుందాం.ముందుగా ముఖానికి కాస్తంత కొబ్బరి నూనెని రాసుకుని, అర నిమిషం పాటు మసాజ్ చేసుకోవాలి. ఆ తరువాత వేడి నీళ్లలో ముంచిన క్లాత్ ను ముఖంపై అలా పెట్టుకోవాలి. తరువాత దీనిని రెండు నిమిషాల పాటు అలాగే ఉంచి ఆ తరువాత పొడి క్లాత్ తో ముఖాన్ని బాగా తుడుచుకోవాలి. అలాగే ముందుగా వేడి నీళ్లల్లో నిమ్మగడ్డి లేదా లావెండర్ ఆయిల్ ని వేయాలి. ఆ తరువాత ఈ నీటితో ముఖానికి కొంచెం సేపు ఆవిరి పట్టుకోవాలి. ఆవిరి బయటకు పోకుండా తల మీద ఏదైనా టవల్ ని కప్పుకోవాలి. ఇలా ఒక 5 నిమిషాల పాటు ఆవిరి పట్టుకున్న తరువాత మెత్తటి క్లాత్ తో ముఖాన్ని సాఫ్ట్ గా తుడుచుకోవాలి.ఇంకా అలాగే ఒక గిన్నెలో ఒక టేబుల్ స్పూన్ ఓట్స్, ఒక టీ స్పూన్ బాదం నూనె ఇంకా ఒక టీ స్పూన్ రోజ్ వాటర్ వేసి కలపాలి.


ఇలా తయారు చేసుకున్న మిశ్రమంతో ఒక 2 నిమిషాల పాటు స్క్రబ్‌ చేసుకోవాలి.ఇప్పుడు ఒక గిన్నెలో ఒక టేబుల్ స్పూన్ శనగపిండి, ఒక టీ స్పూన్ పసుపు ఇంకా ఒక టీ స్పూన్ తేనె వేసి కలపాలి. తరువాత దీనిలో కొద్దిగా రోజ్ వాటర్ ను వేసి పలుచగా చేసుకోని ఈ మిశ్రమాన్ని ముఖానికి ప్యాక్ లాగా వేసుకుని ఒక 15 నిమిషాల పాటు అలాగే ఉంచాలి. ఆ తరువాత గోరు వెచ్చని నీటితో బాగా శుభ్రం చేసుకోవాలి.అలాగే నిమ్మరసం లేదా రోజ్ వాటర్ లో దూదిని ముంచి ముఖాన్ని తుడుచుకోవాలి. ఇక ఇలా చేయడం వల్ల ముఖంపై ఉండే జిడ్డు పూర్తిగా తొలగిపోతుంది.అలాగే జిడ్డు చర్మం ఉన్న వారు ఒక టేబుల్ స్పూన్ పాలలో పావు టేబుల్ స్పూన్ ఆలివ్ ఆయిల్, అర టేబుల్ స్పూన్ నిమ్మరసం కలిపి ముఖం ఇంకా మెడ భాగాలకు రాసుకోవాలి. ఆ తరువాత 10 నిమిషాల పాటు కింది నుండి పైకి మసాజ్ చేసుకోవాలి. అదే పొడి చర్మం ఉన్న వారు కొబ్బరి నూనె లేదా ఆలివ్ ఆయిల్ ని రాసుకోవచ్చు. ఇలా చేయడం వల్ల మనం ఇంట్లోనే చాలా ఈజీగా ఫేషియల్ ను చేసుకోవచ్చు.ఇలా చేయడం వల్ల చాలా తక్కువ ఖర్చులో మనం మన ముఖాన్ని అందంగా మార్చుకోవచ్చు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Purushottham Vinay

08/05/2023 07:30 PM