మనలో చాలా మందికి కూడా బట్టతల రావడానికి జన్యుపరమైన కారణాలు ఉన్నాయి. ముఖ్యంగా పురుషుల్లో ఉండే టెస్టోస్టిరాన్ అనే హార్మోన్ జన్యుపరమైన కారణాల వల్ల డీహైడ్రో టెస్టోస్టిరాన్ గా మారిపోతూ ఉంటుంది. అందువల్ల వెంట్రుకల ఎక్కువగా రాలిపోయి బట్టతల వస్తుంది.అలాగే వంశపారపర్యంగా కూడా బట్టతల వస్తూ ఉంటుంది. అయితే ఇవే కాకుండా పురుషుల్లో బట్టతల రావడానికి చాలా ఇతర కారణాలు ఉంటాయి. ఈ కారణాల చేత కూడా పురుషుల్లో ఎక్కువగా బట్టతల వస్తుంది. పురుషుల్లో బట్టతల రావడానికి గల ఇతర కారణాల గురించి ఇప్పుడు పూర్తిగా తెలుసుకుందాం. ఇతర అనారోగ్య సమస్యలకు వాడే మందుల వల్ల పురుషుల్లో బట్టతల వస్తుంది. క్యాన్సర్, అధిక రక్తపోటు, డిప్రెషన్ ఇంకా ఆర్థరైటిస్ వంటి అనారోగ్య సమస్యలకు వాడే మందుల ప్రభావం కారణంగా కూడా బట్టతల వస్తుంది. ఇంకా అదే విధంగా హార్మోన్ల అసమతుల్యత, థైరాయిడ్ గ్రంథి పనితీరు సరిగ్గా లేకపోవడం వంటి కారణాల వల్ల కూడా బట్టతల వచ్చే అవకాశం ఉంది.అలాగే పురుషుల్లో వయసు పైబడడం వల్ల కూడా బట్టతల వస్తుంది.


ఎందుకంటే వయసు పైబడడం వల్ల టెస్టోస్టిరాన్ స్థాయిలు తగ్గుతాయి.అందువల్ల జుట్టు ఎక్కువగా రాలిపోతూ ఉంటుంది.అయితే  సరైన చర్యలు తీసుకోవడం వల్ల బట్టతల రాకుండా చూసుకోవచ్చు. అలాగే కొన్నిసార్లు పోషకాహార లోపం వల్ల కూడా బట్టతల వస్తుంది. జుట్టు పెరుగుదలకు చాలా పోషకాలు అవసరమవుతాయి. కాబట్టి మనం సంపూర్ణ ఆహారాన్ని తీసుకోవడానికి వీలైనంత ఎక్కువగా ప్రయత్నించాలి. ఇక దీర్ఘకాలిక ఒత్తిడి, ఆందోళన వంటి సమస్యల వల్ల కూడా బట్టతల ఎక్కువగా వచ్చే అవకాశం ఉంది.ఇంకా అలాగే చాలా మంది జుట్టు అందంగా, స్టైల్ గా కనబడడానికి చాలా రకాల హెయిర్ స్టైలింగ్స్ ను ప్రయత్నిస్తూ ఉంటారు. ఎన్నో రకాల క్రీమ్ లను, రసాయనాలు కలిగిన కలర్స్ ను, షాంపులను వాడుతూ ఉంటారు. అయితే దీని వల్ల కూడా జుట్టు ఎక్కువగా రాలిపోయి బట్టతల వస్తుంది. ఇంకా అలాగే ధూమపానం వల్ల కూడా పురుషుల్లో బట్టతల వస్తుంది. ఈ విధంగా చాలా కారణాల వల్ల పురుషుల్లో బట్టతల వస్తుంది. అయితే సరైన జాగ్రత్తలు, సరైన ఆహారం తీసుకోవడం వల్ల ఈ సమస్య బారిన పడకుండా ఉండవచ్చని ఆరోగ్య నిపుణులు చెబుతున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Beauty Tips

Purushottham Vinay

18/10/2023 05:48 PM