ఏపీ సీఎం జగన్ ఆ టీచర్లకు బ్యాడ్ న్యూస్ చెప్పారు. ఏపీలోని 1,145 ఆర్ట్‌, క్రాఫ్ట్‌, డ్రాయింగ్‌ ఉపాధ్యాయ పోస్టులు రద్దు చేసేశారు. అంటే ఇకపై ఏపీ పాఠశాలల్లో ఆర్ట్‌, క్రాఫ్ట్‌, డ్రాయింగ్‌ ఉపాధ్యాయు ఉండరన్నమాట. అయితే.. జాతీయ నూతన విద్యా విధానంలో ఈ ఆర్ట్‌, క్రాఫ్ట్‌, డ్రాయింగ్‌ టీచర్‌ పోస్టులకు ప్రాధాన్యం ఉంది. అలాంటి పోస్టులను ప్రభుత్వం రద్దు చేయడంతో.. ఆయా విభాగాల ఉపాధ్యాయుల్లో ఆందోళన కనిపిస్తోంది.

ఎలాంటి పోస్టులు రద్దు చేయబోమని ఇటీవలే మంత్రి బొత్స సత్యనారాయణ చెప్పినా.. ఇప్పుడు ఈ  పోస్టులు రద్దయ్యాయి. గతేడాది కూడా అక్టోబరులో ఐదుగురు అదనపు డైరెక్టర్ల కోసం 15 పోస్టులను రద్దు చేశారు.  ఇప్పటివరకు మొత్తం  1,160 పోస్టులను రద్దు చేసినట్టు తెలుస్తోంది. ఈ విభాగాల్లో ఇంకా 840 పోస్టులు మాత్రమే మిగిలినట్టు సమాచారం. ఈ పోస్టుల్లో 350 పోస్టుల్లో రెగ్యులర్‌ ఉపాధ్యాయులు ఉన్నారు. వీటికి అదనంగా పోస్టులు వస్తాయనుకుంటే ఇప్పటికే ఉన్న పోస్టులను రద్దు చేయడమేంటని ఉపాధ్యాయులు అంటున్నారు.


మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

jagan

Chakravarthi Kalyan

18/09/2022 10:00 AM