రైతుబంధు పథకం కింద ఆరో రోజు 262.60కోట్ల నిధులు రైతుల బ్యాంకు ఖాతాల్లో జమ చేశారు. ఈ మేరకు తెలంగాణ వ్యవసాయశాఖ మంత్రి సింగిరెడ్డి నిరంజన్‌ రెడ్డి వెల్లడించారు. ఒక లక్ష 49,970  మంది రైతుల ఖాతాలలో 5 లక్షల 25 వేల 200.21 ఎకరాలకు నిధులు విడుదల చేసిన జమ చేసినట్లు మంత్రి నిరంజన్‌ రెడ్డి వివరించారు. ఇప్పటి వరకు  51 లక్షల 50,958 మంది రైతులకు 3767.35 కోట్లు నిధులు రైతుబంధు పథకం కింద రైతుల బ్యాంకు ఖాతాల్లో వేసినట్లు  మంత్రి నిరంజన్‌ రెడ్డి  స్పష్టం చేశారు.

 కేంద్ర ప్రభుత్వం ఒక్క రూపాయి సాయం చేయకున్నా కరంటు, సాగునీరు, రైతుబంధు, రైతుభీమా పథకాలు అమలు చేస్తున్నారని మంత్రి నిరంజన్ రెడ్డి పేర్కొన్నారు. దేశమంతా ఈ పథకాలు అమలైతే దేశ వ్యవసాయం ప్రపంచానికి ఆదర్శంగా నిలుస్తుందని నిరంజన్ రెడ్డి వివరించారు. దేశమంతా ఇలాంటి పథకాలు అమలు కావాలని...కేసీఆర్ ఆలోచనలు దేశానికి అత్యవసరమని మంత్రి నిరంజన్ రెడ్డి అన్నారు. కేంద్రంలోని పాలకులపై సీఎం కేసీఆర్ సంధించిన ప్రశ్నలపై సమాజంలో చర్చ మొదలైందని మంత్రి నిరంజన్ రెడ్డి అన్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

raithubandhu

Chakravarthi Kalyan

04/01/2023 09:00 AM