తెలంగాణ విద్యార్థులకు గుడ్‌ న్యూస్.. తెలంగాణ రాష్ట్రంలో మరో 17 బీసీ గురుకుల డిగ్రీ కళాశాలలు ఈ ఏడాది నుంచి ప్రారంభం కానున్నాయి. ఈ మేరకు కళాశాలలను మంజూరు చేస్తూ బీసీ సంక్షేమ శాఖ ఉత్తర్వులు ఇచ్చింది. ఈ కాలేజీలు ఎక్కడంటే.. జోగులాంబ గద్వాల, నారాయణ్ పేట్, నాగర్ కర్నూల్, వికారాబాద్, సంగారెడ్డి, కామారెడ్డి, అదిలాబాద్, కుమ్రంభీం ఆసిఫాబాద్, మంచిర్యాల, పెద్దపల్లి, జయశంకర్ భూపాలపల్లి, ములుగు, మహబూబాబాద్, హన్మకొండ, భద్రాద్రి కొత్తగూడెం, సూర్యాపేట, యాదాద్రి భువనగిరి జిల్లాల్లో ఈ  కొత్త కళాశాలలు ప్రారంభం అవుతాయి.


ఈ నిర్ణయంతో రాష్ట్రంలోని ప్రతి  జిల్లాలోనూ బీసీ గురుకుల డిగ్రీ కళాశాల అందుబాటులోకి వస్తాయి. కొత్త కళాశాలలు మంజూరు చేసినందుకు ముఖ్యమంత్రి కేసీఆర్ కు బీసీ సంక్షేమశాఖా మంత్రి గంగుల కమలాకర్ థ్యాంక్స్ చెప్పారు.  వెనకబడిన వర్గాల సమగ్ర అభివృద్ధి కోసం కేసీఆర్ సర్కార్ నిరంతరం కృషి చేస్తుందని మంత్రి గంగుల కమలాకర్ అన్నారు. కొత్తగా ఏర్పాటయ్యే కళాశాలలతో కేవలం బీసీ డిగ్రీ గురుకులాల్లోనే 31,680 మందికి ప్రపంచ స్థాయి విద్య అందుతుందని మంత్రి గంగుల కమలాకర్ తెలిపారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

STUDENTS

Chakravarthi Kalyan

24/06/2023 09:00 AM