చంద్రబాబు నాయుడుకు ప్రాణాపాయం ఉన్నట్లు లోకేష్ భావిస్తున్నారని.. ఒకవేళ అదే నిజమైతే దురదృష్టకరమని భారాస కార్యనిర్వాహక అధ్యక్షుడు, మంత్రి కేటీ రామారావు అంటున్నారు. చంద్రబాబు ఆరోగ్యంపై లోకేష్ పోస్టు చూసి బాధనిపించిందని భారాస కార్యనిర్వాహక అధ్యక్షుడు, మంత్రి కేటీ రామారావు పేర్కొన్నారు. కుమారుడిగా తండ్రి ఆరోగ్యంపై ఆందోళన ఎలా ఉంటుందో తనకు తెలుసని కేటీఆర్ అన్నారు.


కేసీఆర్ నిరాహార దీక్ష సమయంలో నాకూ ఆందోళన కలిగిందని... ప్రాణాలకు ముప్పు ఉందని అప్పటి ఇంటెలిజెన్స్ చీఫ్ చెబితే భయమేసిందని కేటీఆర్ అన్నారు. హైదరాబాద్ ప్రశాంతంగా ఉండాలనే ఇక్కడ ఆందోళనలు వద్దంటున్నామని కేటీఆర్ వివరణ ఇచ్చారు. చంద్రబాబు అరెస్టు ఏపీలో రెండు రాజకీయ పార్టీల విషయంగానే భావిస్తున్నామని కేటీఆర్ విలేకరులతో చిట్ చాట్ గా అన్నారు. ఏదేమైనా టీడీపీ ఆందోళనలకు హైదరాబాద్‌లో అనుమతి ఇవ్వకపోయినా.. లోకేష్‌కు మద్దతుగా కేటీఆర్ స్పందించడంపై టీడీపీ కార్యకర్తలు సంతోషం వ్యక్తం చేస్తున్నారు.


మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Chakravarthi Kalyan

14/10/2023 06:30 AM