కాంగ్రెస్ మాజీ అధ్యక్షురాలు సోనియాగాంధీ గత నెలలో ప్రకటించిన ఆరు గ్యారంటీలను ఇంటింటికి తీసుకెళ్లేందుకు కాంగ్రెస్‌ నేతలందా రంగంలోకి దిగుతున్నారు. ఈ నెల 26, 27 రెండు తేదీలలో ఇంటింటికి ప్రచారానికి కాంగ్రెస్‌ ముఖ్య నేతలు ప్లాన్‌ చేస్తున్నారు. 26వ తేదీన ఉమ్మడి వరంగల్, ఉమ్మడి నల్లగొండ, హైదరాబాద్‌లలో కాంగ్రెస్ అగ్రనేతలు పర్యటిస్తారు. ఈ నెల 27వ తేదీన ఉమ్మడి రంగారెడ్డి, ఆదిలాబాద్, కరీంనగర్, మెదక్, నిజామాబాద్‌లో వీరి పర్యటన లు ఉంటాయి.


రెండు రోజల్లో వీరు 40 నియోజకవర్గాల్లో పర్యటించబోతున్నారు. 10 మంది ముఖ్య నేతలు రోజుకు రెండు నియోజకవర్గాల్లో ప్రచారం సాగిస్తారు. రాష్ట్ర వ్యవహారాల ఇంఛార్జి ఠాక్రే, పీసీసీ అధ్యక్షుడు రేవంత్ రెడ్డి, సీఎల్పీ నేత భట్టి విక్రమార్క, ఎంపీలు ఉత్తమ్ కుమార్‌ రెడ్డి, కోమటిరెడ్డి వెంకటరెడ్డి, మాజీ ఎంపీ పొంగులేటి శ్రీనివాసరెడ్డి, మాజీ ఉప ముఖ్యమంత్రి దామోదర రాజనర్సింహ, ఏఐసీసీ కార్యదర్శి, ఎమ్మెల్యే శ్రీధర్ బాబు, ప్రచార కమిటీ ఛైర్మన్‌ మధుయాష్కీ, ఎమ్మెల్యే సీతక్క ఈ ఇంటింటి ప్రచారంలో పాల్గొంటున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Chakravarthi Kalyan

25/10/2023 08:31 AM