మిగిలిన విషయాలు ఎలా ఉన్నా.. ప్రభుత్వ ఉద్యోగ పరీక్షల నిర్వహణలో మాత్రం కేసీఆర్ ప్రభుత్వం అట్టర్‌ఫ్లాప్‌ అయ్యింది. విభజన తర్వాత ఏపీలో నాలుగో గ్రూప్‌ వన్ నోటిఫికేషన్ రాబోతోంది. తెలంగాణలో ఇంత వరకూ మొదటి గ్రూప్‌ వన్ నోటిఫికేషన్‌కే దిక్కులేదు. ఏడాదిన్నర క్రితం నోటిఫికేషన్ ఇచ్చారు. ప్రిలిమ్స్ పరీక్షే ఇప్పటికి రెండు సార్లు రాశారు. మూడోసారి రాయాల్సిందేనని కోర్టులు చెబుతున్నాయి.

దాదాపు 16 పరీక్ష పేపర్లు లీక్‌ అయ్యాయి. అయినా వీసమెత్తు చర్య లేదు. పైగా దబాయింపు.. రెండో దఫాలో నాలుగేళ్ల నిద్రపోయి.. చివరి ఏడాదిలో అన్ని నోటిఫికేషన్లు కుమ్మరించి.. ఏదీ సరిగ్గా నిర్వహించకుండా లక్షల మంది నిరుద్యోగుల ఉసురు కట్టుకున్నారు. అందరికీ ప్రభుత్వ ఉద్యోగాలు ఎలా సాధ్యం అంటున్నారు. నిజమే.. కాదనలేం.. కానీ ఉన్న ఉద్యోగాలకైనా సరిగ్గా పరీక్షలు పెట్టాలి కదా.. నియామకాలు జరపాలి కదా. సరిగ్గా పరీక్షలు నిర్వహించడం కూడా చేతకాలేదన్న విమర్శ ఉంది. పోనీ తప్పులు తెలిశాక కూడా చర్యలు తీసుకోలేదన్న ఆవేదన ఉంది. అదే నిరుద్యోగుల కడుపుమండిస్తోంది.
అశోక్‌నగర్‌లో అగ్గి రాజేస్తోంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Chakravarthi Kalyan

06/11/2023 10:50 PM