తెలంగాణ ఎన్నికల ఫలితాలపై ఉత్కంఠ నెలకొంది. అనేక సంస్థలు దీనిపై సర్వేలు చేస్తున్నాయి. తాజాగా భారత్ జోడో అభియాన్ జాతీయ కన్వీనర్, సామాజిక ఉద్యమకారుడు ప్రొఫెసర్ యోగేంద్ర యాదవ్‌ కూడా ఫలితాలపై ఓ సర్వే చేశామన్నారు. రాష్ట్రవ్యాప్తంగా 60 నియోజకవర్గాల్లో విస్తృతంగా పర్యటించి అభిప్రాయాలు సేకరించామన్న యోగేంద్ర యాదవ్‌ ఈ ఎన్నికల్లో అధికార పార్టీపై అన్ని వర్గాల ప్రజల్లో తీవ్ర వ్యతిరేకత వ్యక్తమవుతోందని తెలిపారు.


తెలంగాణ ప్రజలు ఓ పెద్ద మార్పు కోరుకుంటున్నారని ప్రొఫెసర్ యోగేంద్రయాదవ్‌ అన్నారు. అనూహ్య ఫలితాలు రాబోతున్నాయని  యోగేంద్ర యాదవ్‌ స్పష్టం చేశారు. ఇప్పటికే  దేశంలో ఏ రాష్ట్రంలో లేనిరీతిలో తెలంగాణలో మాత్రం ధన ప్రవాహం, డబ్బు పంపిణీ, ప్రలోభాలు పెద్ద ఎత్తున సాగుతున్నాయని  యోగేంద్ర యాదవ్‌ అన్నారు. తెర వెనుక చేతులు కలిపి మళ్లీ ప్రజలను మోసగించేందుకు వ్యూహాత్మకంగా ముందుకు సాగుతున్న భాజపా, భారాసకు ఓటు వేయవద్దని  యోగేంద్ర యాదవ్‌ సూచించారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

elections

Chakravarthi Kalyan

25/11/2023 05:00 AM