టీడీపీ అధినేత చంద్రబాబు కూడా కేసీఆర్, రేవంత్ రెడ్డి రూట్లో వెళ్తున్నారు. మొదటి నుంచి కూడా ఆధ్యాత్మిక, పూజ కార్యక్రమాలకు అతిగా ప్రాధాన్యం ఇవ్వని చంద్రబాబు కూడా ఇప్పుడు ఎన్నికల ముందు యాగాలు చేస్తున్నారు. ఇవాళ ఉండవల్లి లోని చంద్రబాబు నివాసంలో ఈ యాగాలు, పూజలు ప్రారంభం కానున్నాయి. నేటి నుంచి మూడు రోజుల పాటు ప్రత్యేక హోమం, పూజలు నిర్వహించనున్నారు. నేటి నుంచి చంద్రబాబు దంపతులు శతచండీ పారాయణ ఏకోత్తర వృద్ది మహాచండీ యాగం, సుదర్శన నారసింహ హోమం నిర్వహిస్తున్నారు. మూడు రోజుల పాటు యాగం, హోమం, పూజల్లో చంద్రబాబు, భువనేశ్వరి దంపతులు పాల్గొంటారు.

చంద్రబాబు మొదటి నుంచి పెద్దగా పూజలు, యాగాలకు ప్రాధాన్యం ఇవ్వలేదు. గతంలో పూజలు చేసినా.. అది వ్యక్తిగతంగానే ఉండేది. పెద్దగా ప్రచారం కూడా ఉండేది కాదు. కానీ.. మారుతున్న పరిస్థితుల్లో ఆయన కూడా యాగాలవైపు మొగ్గినట్టు కనిపిస్తోంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Chakravarthi Kalyan

22/12/2023 07:56 AM