ఎన్డీఏ అంటే నేషనల్ డెమోక్రాటిక్ అలయెన్స్.. కానీ.. ఎన్డీఏ అంటే నేషనల్ డిజాస్టర్  అలయెన్స్.. అంటున్నారు మంత్రి కేటీఆర్.. విద్యార్థుల జీవితాలను అగమ్యగోచరం చేసేలా వరుస సంఘటనలు దురదృష్టకరమన్న మంత్రి కేటీఆర్.. జూన్ నాలుగో తేదీన నీట్ - యూజీ పేపర్ లీక్.. జూన్ 19న యూజీసీ - నెట్ పరీక్ష రద్దు.. జూన్ 21న సీఎస్ఐఆర్ - యూజీసీ - నెట్ పరీక్ష వాయిదా.. జూన్ 22 న చివరి నిమిషంలో నీట్ - పీజీ పరీక్ష వాయిదా.. ఇలా బీజేపీ  నేతృత్వంలోని ఎన్డీయే ప్రభుత్వం నిర్ణయాలకు ఎలాంటి పొంతన లేకుడా పోయిందని విమర్శించారు.


నీట్ - యూజీ ప్రశ్నాపత్రం ముందుగానే లీక్ అయినట్లు రుజువైనా మోదీ ప్రభుత్వం జూలై ఆరో తేదీ నుంచి కౌన్సిలింగ్ కొనసాగిస్తోందని మంత్రి కేటీఆర్ విమర్శించారు. ఎలాంటి నిర్ధిష్ట కారణాలు చూపకుండా నీట్ - పీజీ పరీక్ష ప్రారంభానికి కొన్ని గంటల ముందు వాయిదా వేశారన్న మంత్రి కేటీఆర్.. ఈ నిర్ణయాల వెనక ఉన్న లాజిక్ ఏమిటని ప్రశ్నించారు. కేంద్ర ప్రభుత్వ అసమర్థత విద్యార్థుల పాలిట శాపంగా మారుతోందన్న మంత్రి కేటీఆర్.. అన్నింటికీ కారణం నేషనల్ డిజాస్టర్ అలయన్స్ కారణమని ఎద్దేవా చేశారు.

మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Chakravarthi Kalyan

25/06/2024 09:31 AM