మొన్న వచ్చిన వరదల తెలంగాణలో అత్యంత ఎక్కువగా నష్టపోయినది ఖమ్మం జిల్లా ప్రజలే. ఊళ్లన్నీ నీట మునిగాయి. ఇళ్లన్నీ బురదతో నిండిపోయాయి. కట్టుబట్టలతో ప్రజలు నిరాశ్రయులుగా మిగిలిపోయారు. వారి జీవితం మళ్లీ మొదటికి వచ్చేసింది. ఇటీవల ఖమ్మం జిల్లాలో పర్యటించిన సీఎం రేవంత్ రెడ్డి.. వరద బాధితులకు తక్షణ సాయంగా మనీ ఇచ్చేందుకు సిద్ధమయ్యారు. ఖమ్మం జిల్లాలోని వరద బాధిత కుటుంబాలకు ప్రభుత్వం సెప్టెంబర్ 7 నుంచి 10 వరకూ పరిహారం ఇవ్వనుంది. ఇందుకోసం అధికారులు 3 రోజులపాటు సర్వే చేసి, జిల్లావ్యాప్తంగా బాధితుల్ని గుర్తించారు. మొత్తం 22వేల కుటుంబాల వారిని బాధితులుగా గుర్తించారని తెలిసింది. సీఎం రేవంత్ ఆదేశాలతో వరద బాధితులకు సర్వం కోల్పోయిన ప్రతి ఇంటికి 17,500 ఇవ్వనున్నట్లు సమాచారం గతంలో ఇంటింటికి రూ.10,000 ఇస్తామని ప్రకటించింది. కానీ అది సరిపోదని ఉదారంగా సాయం చేయాలని సర్కారు నిర్ణయించినట్లు తెలుస్తుంది. ఇంటి మరమ్మత్తులకు 6,500 దుస్తులకురూ.2,500, వస్తువులకు రూ.2,500, కూలి కింద రూ.6,000, కలిపి మొత్తంరూ.17,500 ఇవ్వనుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి