సిపిఐ రాష్ట్ర కార్యదర్శి రామకృష్ణ చంద్రబాబుకు పాత స్నేహితుడే. నిన్న మొన్నటి వరకూ రాజకీయంగానే స్నేహాన్నే కొనసాగించారు. కానీ బాబు మోడీతో చేతులు కలపడంతో కమ్యూనిస్టులు దూరమవుతున్నారు. చంద్రబాబు విధానాలపై రామకృష్ణ ఇప్పుడు మండిపడుతున్నారు. అదానీపై అమెరికా లో నమోదైన కేసుపై అక్కడి ప్రభుత్వం చర్యలు తీసుకునే దాకా వేచి చూద్దాం అనే ధోరణి సరికాదని సిపిఐ రాష్ట్ర కార్యదర్శి రామకృష్ణ అన్నారు.


రాష్ట్ర ప్రజలపై భారాలు పడే ఆ ఒప్పందాలను రద్దు చేసుకోవాలని సిపిఐ రాష్ట్ర కార్యదర్శి రామకృష్ణ అన్నారు. నదుల అనుసంధానం ప్రాజెక్టులను ప్రైవేటు కంపెనీలకు ఇస్తామని ముఖ్యమంత్రి చంద్రబాబు నాయుడు చెప్పడాన్ని ఖండిస్తున్నామన్నారు. ప్రైవేటు కంపెనీ వారు భాగస్వామ్యంతో ప్రాజెక్టులు నిర్మించి నీటిని అమ్ముకునే పరిస్థితి వస్తుందని సిపిఐ రాష్ట్ర కార్యదర్శి రామకృష్ణ ఆందోళన వ్యక్తం చేశారు.


కేంద్ర ప్రభుత్వ భాగస్వామ్యంతో ప్రాజెక్టులను నిర్మించాలని సిపిఐ రాష్ట్ర కార్యదర్శి రామకృష్ణ సూచించారు. జనవరి 8వ తేదీన ప్రధాని మోదీ విశాఖ పర్యటన సందర్భంగా విశాఖ ఉక్కు కర్మాగారం పై స్పష్టమైన ప్రకటన చేయాలని డిమాండ్ చేస్తున్నామని రామకృష్ణ అన్నారు. లేదంటే ప్రధాని మోడీ పర్యటన సందర్భంగా నల్లజెండాలతో నిరసన చేపడుతామన్నారు.

మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Chakravarthi Kalyan

03/01/2025 09:42 AM