భవన నిర్మాణాలు లే అవుట్ ల అనుమతులను  మున్సిపాలిటీలకు బదలాయిస్తూ ఏపీ ప్రభుత్వం కీలక నిర్ణయం తీసుకుంది. అర్బన్ డెవలప్మెంట్ అధారిటీల పరిధి నుంచి మున్సిపాలిటీలు, కార్పొరేషన్లు, నగర పంచాయతీలు,గ్రామ పంచాయతీలకు అధికారాల బదలాయించింది. పాలనాపరమైన సౌలభ్యం కోసం ప్రస్తుతం ఉన్న నిబంధనలు సవరించినట్లు జీవో లో పేర్కొన్న ప్రభుత్వం.. ఇక నుంచి భవనాలకు మున్సిపాలిటీలు, కార్పొరేషన్లే అనుమతులు జారీ చేసేలా చట్ట సవరణ చేసింది.


నగర పంచాయతీల్లో మూడెకరాలు దాటితే డీటీసీపీ అనుమతి తప్పనిసరి అని తెలిపింది. గ్రామ పంచాయతీలు 300 చ.మీ,10 మీటర్ల ఎత్తు వరకూ అనుమతులు మంజూరు చేస్తారు. అనధికారిక కట్టడాలపై మున్సిపల్,కార్పొరేషన్, నగర పంచాయతీలు చర్యలు తీసుకునేలా అధికారాలు బదలాయింపు చేస్తూ ఉత్తర్వులు ఇచ్చారు. అర్బన్ డెవలప్మెంట్ అథారిటీ ల నుంచి మున్సిపాలిటీలకు ఈ అధికారాన్ని బదలాయిస్తూ నోటిఫికేషన్ విడుదల చేశారు. ఈ కొత్త రూల్స్‌తో ఏపీలో రియల్‌ ఎస్టేట్‌ పుంజుకుందని నిపుణులు అంటున్నారు.

మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

chandrababu

Chakravarthi Kalyan

13/01/2025 09:27 AM