దానిలో భాగంగానే దేశంలో డిజిటల్ పేమెంట్స్ ఆఫ్ లైన్ విధానంలో జరిపేందుకు ప్రభుత్వం అడుగులు ముందుకు వేస్తుంది. దీనిని ఆర్బీఐ గవర్నర్ శక్తికాంత్ దాస్ తన మాటలలో తెలిపారు. ప్రస్తుతం చాలా ప్రాంతాలలో నెట్ అందుబాటులో ఉండటం లేదు. అలాంటి ప్రాంతాలలో వారు కూడా సులువుగా పేమెంట్స్ చేసుకునే విదంగా డిజిటల్ విధానంలో సరికొత్త మార్పులు తెస్తున్నట్టు ఆయన తెలిపారు. దీనికోసం ద్రవ్య పరపతి కమిటీ(ఎంపీసీ) సమావేశం అయ్యింది. అనంతరం దాస్ మీడియాతో ఈ విషయాలు పంచుకున్నారు. దేశంలో చాలా మారుమూల ప్రాంతాలకు నెట్ అందుబాటులో లేదని, అలాంటి ప్రాంతాలలో ఉన్నవారు కూడా డిజిటల్ విధానం వాడుకునే విధంగా దానిలో మార్పులు తెస్తున్నట్టు ఆయన తెలిపారు.
ఈ విధానం ఇప్పటికే పైలెట్ ప్రాజెక్ట్ కింద గత సంవత్సరం ఆగష్టు లోనే ప్రకటించబడిందని దాస్ తెలిపారు. అది విజయవంతం కావడంతో ఇక మీదట దేశవ్యాప్తంగా రిటైల్ దుకాణాలలో ఈ తరహా ఆఫ్ లైన్ డిజిటల్ పెమెట్స్ చేసుకునే సౌలభ్యం అందుబాటులోకి తేనున్నారు. దీనిద్వారా ఎక్కువ మంది డిజిటల్ విధానంలోకి అలవాటు పడే అవకాశం ఉందని ఆయన అన్నారు. దీని వలన వ్యక్తులకు, వ్యాపారస్తులకు కొత్త కొత్త అవకాశాలు వస్తాయని ఆయన అన్నారు. ఈ విధానంలో తాజాగా పరిగణలోకి తీసుకున్న సమాచారం ప్రకారం, 2.41 లక్షల లావాదేవీలు జరిపామని, దాని ద్వారా 1.16 కోట్ల చెల్లింపులు జరిగాయని ఆయన తెలిపారు. అతి త్వరలో అందరికి ఈ విధానం అందుబాటులోకి రానుందని ఆయన తెలిపారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి