అదానీ ఎంటర్‌ప్రైజెస్‌ను 1988 వ సంవత్సరంలో గౌతమ్ అదానీ ప్రారంభించారు. అప్పుడు దాని పేరు అదానీ ఎక్స్‌పోర్ట్స్. అతను కమోడిటీస్ ట్రేడింగ్ వ్యాపారంతో ప్రారంభించాడు. అలాగే ఎగుమతి-దిగుమతి కోసం ముంద్రా పోర్టును స్థాపించాడు. గత రెండు దశాబ్దాలలో, ఈ సమూహం అనేక వ్యాపారాలలోకి ప్రవేశించింది. గ్రీన్‌ఫీల్డ్ ప్రాజెక్ట్‌లు, కొనుగోళ్లు, జాయింట్ వెంచర్‌ల ద్వారా కంపెనీ తన వ్యాపారాన్ని విస్తరించింది. అదానీ గ్రూప్ థర్మల్, పునరుత్పాదక విద్యుత్ ఉత్పత్తి ప్రాజెక్టులను ఏర్పాటు చేసింది. అనేక పోర్టులను కొనుగోలు చేసింది. దేశవ్యాప్తంగా విద్యుత్ ప్రసార మార్గాలను నెట్‌వర్క్ చేసింది. దేశంలోని రెండు అతిపెద్ద సిమెంట్ కంపెనీలను కొనుగోలు చేసింది. అనంతరం అదానీ గ్రూప్ వ్యాపారం ట్రేడింగ్, సహజ వాయువు, విద్యుత్ ఉత్పత్తి, సిమెంట్, రియల్ ఎస్టేట్, ఆర్థిక సేవలలో విస్తరించింది.ఆస్ట్రేలియాలో బొగ్గు మైనింగ్ కార్యకలాపాలను ప్రారంభించినందుకు అదానీ గ్రూప్ చాలా వ్యతిరేకతను ఎదుర్కొంది. పునరుత్పాదక ఇంధన రంగంలో భారీగా పెట్టుబడులు పెడతామని కంపెనీ హామీ ఇచ్చింది. అదానీ గ్రూప్ వేగంగా అభివృద్ధి చెందింది. ప్రపంచంలోని అనేక ప్రముఖ పెట్టుబడిదారులు దానిపై ఆసక్తిని కనబరిచారు. వీటిలో వార్‌బర్గ్ పింకస్, టోటల్ ఎనర్జీలు ఉన్నాయి.


2000 సంవత్సరంలో, సింగపూర్ ఆధారిత కంపెనీ విల్మార్ ఇంటర్నేషనల్‌తో కలిసి అదానీ గ్రూప్ అదానీ విల్‌మార్‌ను ఏర్పాటు చేసింది. నేడు దేశంలోనే అగ్రగామి FMCG కంపెనీగా మారింది. మూడేళ్ల క్రితం, కంపెనీ విమానాశ్రయాల నిర్వహణ వ్యాపారంలోకి కూడా ప్రవేశించింది. ఇప్పుడు అదానీ గ్రూప్ దేశంలోనే అత్యంత విలువైన వ్యాపార గ్రూపుగా అవతరించింది. ఈ గ్రూప్ మార్కెట్ క్యాప్ రూ.20.74 లక్షల కోట్లకు అంటే దాదాపు 260 బిలియన్ డాలర్లకు చేరుకుంది. 154 ఏళ్ల టాటా గ్రూప్‌ను ఓడించి అదానీ గ్రూప్ ఈ స్థానాన్ని సాధించింది. శుక్రవారం మార్కెట్ ముగిసిన తర్వాత టాటా గ్రూప్ మార్కెట్ క్యాప్ రూ.20.7 లక్షల కోట్లకు చేరింది. ముఖేష్ అంబానీ నేతృత్వంలోని రిలయన్స్ గ్రూప్ మార్కెట్ క్యాప్ రూ.17.1 లక్షల కోట్లుగా ఉంది. గత కొన్ని సంవత్సరాలుగా అదానీ గ్రూప్ మార్కెట్ క్యాప్ రాకెట్ వేగంతో దూసుకపోతోంది. దీంతో గౌతమ్ అదానీ కూడా అమెజాన్ వ్యవస్థాపకుడు జెఫ్ బెజోస్‌ను అధిగమించి ప్రపంచంలోనే రెండో అత్యంత సంపన్నుడిగా నిలిచారు. ప్రస్తుతం అదానీ పక్కన టెస్లా అధినేత ఎలోన్ మస్క్ మాత్రమే మిగిలి ఉన్నాడు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

GOWTHAM ADANI

Purushottham Vinay

17/09/2022 03:55 PM