మళ్లీ రాష్ట్ర విభజన తర్వాత చంద్రబాబు నాయుడు అమరావతి ప్రాంతంలో సాప్ట్ వేర్ కంపెనీలు తీసుకురావాలని ప్రయత్నించారు. కానీ కాల్ సెంటర్ల తరహా తప్పించి పెద్దగా కంపెనీలు రావడానికి మొగ్గు చూపలేదు. ప్రస్తుతం విశాఖ పట్నంలోకి ఇన్పోసిస్ లాంటి పెద్ద కంపెనీలు రావడానికి తయారవుతున్నాయి. అయితే పార్లమెంట్ సమావేశాల్లో కేంద్ర ప్రభుత్వాన్ని రాష్ట్రం తరఫున ఎంపీలు అడిగిన ప్రశ్నకు ఆంధ్రప్రదేశ్ లో నాలుగు సాప్ట్ వేర్ పార్కులు ప్రారంభించేందుకు రెడీగా ఉన్నట్లు చెప్పారు. దీనికి కేంద్ర ఐటీ శాఖ మంత్రి రాజీవ్ చంద్రశేఖర్ సమాధానమిస్తూ ఆంధ్రలో నాలుగు సాప్ట్ వేర్ పార్కులు తీసుకురానున్నట్లు చెప్పారు.
అందులో ఒకటి కాకినాడ, తిరుపతి, విజయవాడ, విశాఖ పట్నం లాంటి చోట్ల పెట్టడానికి సిద్ధమని తెలియజేశారు. ఇప్పటికే ఆయా ప్రాంతాల్లో వాటిని ప్రారంభించడానికి విధి విధానాలు తయారు చేస్తున్నామని అన్నారు. దీంతో విభజన జరిగిన నాటి నుంచి నాలుగు సాప్ట్ వేర్ పార్కులు రానున్నాయి. దీంతో చాలా మందికి ఉద్యోగాలు దొరికే అవకాశం ఉంది. ఉద్యోగాలతో ఎంతో మందికి ఉపాధి దొరకడమే కాకుండా ఆయా పట్టణాలు డెవలప్ మెంట్ అవుతాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి