అంటే బండి కొనుగోలు చేసేటప్పుడే హెల్మెట్ అనేది తీసుకోవాల్సి వస్తుంది. బయటికి వెళ్లి హెల్మెట్ కోసం బేరాలు ఆడాల్సిన అవసరం లేదు. బండితో పాటే అది వస్తుంది కాబట్టి దాన్ని ధరించే వారి సంఖ్య కూడా పెరుగుతుంది. దీనివల్ల ప్రాణాలు పోయే అవకాశం తగ్గుతుంది. ఇది ద్విచక్ర వాహనదారులకు చాలా మంచి న్యూస్ అని చెప్పుకోవచ్చు.
రోడ్డు రవాణా శాఖ మంత్రి మాట్లాడుతూ.. " వాహనాలను కొనుగోలు చేసే కస్టమర్లకు హెల్మెట్‌లపై రాయితీలు కల్పించాలని ద్విచక్ర వాహన కంపెనీలను కోరాను. హెల్మెట్ ధరించమని ప్రజలను ప్రోత్సహించడం ద్వారా ఇది ప్రాణాలను రక్షించడంలో సహాయపడుతుంది." అని అన్నారు. భద్రత కోసం పాఠశాల బస్సులకు సరైన పార్కింగ్ ఏర్పాట్లు చేయాల్సిన అవసరం కూడా ఉందని నితిన్ గడ్కరి చెప్పారు.
మంత్రి గడ్కరీ మాట్లాడుతూ ట్రాఫిక్ రూల్స్ బ్రేక్ చేసిన వారికి ప్రభుత్వం జరిమానాలను పెంచింది, అయితే ఈ నిబంధనలను అమలు చేయడం పెద్ద సవాలు అని అన్నారు. భారతదేశంలోని ప్రతి ఏరియాలో డ్రైవింగ్ స్కూల్ ఓపెన్ చేస్తే బాగుంటుందని అభిప్రాయపడ్డారు. ఎందుకంటే రోడ్డు ప్రమాదాల వల్ల భారతదేశంలో 43% మంది అనుకోకుండా మరణిస్తున్నారు. ఈ ప్రమాదాల్లో చాలా వరకు అతివేగం కారణంగానే జరుగుతున్నాయి. గడ్కరీ లక్ష్యం ఏంటంటే సురక్షితమైన డ్రైవింగ్ నైపుణ్యాలను నేర్పడం ద్వారా రోడ్డు ప్రమాదాలను తగ్గించడం, ట్రాఫిక్ నిబంధనలను సమర్థవంతంగా అమలు చేయడం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి