మైసూర్ పాక్ పాపులారీటీ చూసి ఇదేదో పురాతనమైన వంటకం  అనుకుంటే పొరబాటే. గట్టిగా మాట్లాడితే ఈ స్వీట్ పుట్టి వందేళ్లు కూడా కాలేదు. మైసూర్ ను 1902 నుండి 1940 వరకూ పరిపాలించిన  24వ  మహారాజు 4వ కృష్ణారాజ వడయార్ మంచి భోజన ప్రియుడు. ఆయ‌న భోజ‌నానికి కూర్చుంటే ర‌క‌ర‌కాల ఆహార ప‌దార్థాలు ఆయ‌న ముందు ఉండాలి. అందుకే అంత‌పురంలో ఉండే  "కాకాసుర మడప్ప " ప్రధాన వంటగాడు ఒకసారి ఆయన తన మహారాజుకు  ఒక కొత్త వంటకం  రుచి చూపిద్దామని  డిసైడ్ అయ్యాడ‌ట‌. ఆ వంట గదిలోని అతి తక్కువ పదార్థాలు  శనగపిండి, పంచదార, నెయ్యి, యాలకులు కలిపి ఒక స్వీట్ తయారు చేసారు.


ఆ రుచి ఆ మహారాజుకు బాగా నచ్చడంతో దీని పేరు ఏంటని  అడిగాడు. మడప్పకు ఏం చెప్పాలో తెలియక పంచదార "పాకం"లో శనగపిండి వేసి కలిపాడు కాబట్టి  దానితో పాటే తమ రాజ్యం మైసూరు  కలిసి వచ్చేలా  "మైసూరు పాక" చెప్పాడు. . . అదే తర్వాతి కాలంలో " "మైసూర్ పాక్" గా మారింది. . .  . . అయితే మ‌హారాజు అయిన కృష్ణరాజు వడయార్ మైసూర్ పాక్ రుచి కేవలం  అంతఃపురానికే పరిమితం కాకుండా ప్రజలందరికీ  తెలియాలని తమ కోట ముందు కూడా ఓ దుకాణం పెట్ట‌మ‌ని మ‌డ‌ప్ప‌కు చెప్పాడు. .


అలా మ‌డ‌ప్ప 1935లో మొదలుపెట్టిన షాపే ఫేమస్ " గురు స్వీట్స్ ". . .  వాడయార్లు ఈ స్వీట్ ను బ్రిటిషర్లకు గిఫ్ట్ గా పంపడం... వాళ్లకూ ఇది నచ్చడంతో మైసూర్ పాక్‌కు మరింత పాపులర్ కి వచ్చింది.. . మైసూర్ పాక్ స్వీట్  జనంలో ఎంతలా  పాపులర్ అయిందంటే ఇండియా మొత్తం మీద  ఈ స్వీట్ అమ్మని  ఊరే కనపడనంత స్థాయికి వ‌చ్చేసింది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Mysore Pak

RAMAKRISHNA S.S.

08/11/2024 12:55 PM