అయినప్పటికీ ఏదో ఒక పని చేసుకుంటూ ఏకంగా ఉన్న ఒక్కగానొక్క కొడుకుని ప్రైవేట్ కళాశాలలో చదివిస్తుంది ఆ తల్లి. ఇక తన కొడుకు బాగా చదువుకొని ప్రయోజకుడు అవుతాడు. మా జీవితాలు బాగుపడతాయి అంటూ ఎన్నో ఆశలు పెట్టుకుంది. కానీ చదువుకోడానికి వెళ్లిన ఆ విద్యార్థి మాత్రం యువతి ప్రేమలో పడిపోయాడు. ఇక తన మీదే ఆశలు పెట్టుకున్న తల్లి గురించి మర్చిపోయి యువతే జీవితం అనుకోవడం మొదలుపెట్టాడు. చివరికి యువతి ప్రేమ నిరాకరించడంతో తల్లి గురించి ఒక్క నిమిషమైనా ఆలోచించకుండా ఆత్మహత్య చేసుకుని ప్రాణాలు వదిలాడు. దీంతో విగతజీవిగా కనిపించిన కొడుకును చూసి గుండెలవిసేలా తల్లి ఏడుస్తు ఉండటం అందరిని కంటతడి పెట్టించింది.
అనంతపురం జిల్లాలో ఈ ఘటన వెలుగులోకి వచ్చింది. రోళ్ల మండలం జిజి గ్రామానికి చెందిన వరుణ్ యాదవ్ ప్రైవేట్ కళాశాలలో ఇంటర్ ద్వితీయ సంవత్సరం చదువుతున్నాడు. అయితే కూలి పనులకు పోయి వచ్చిన డబ్బుతో కుటుంబాన్ని పోషిస్తున్న తల్లి అంజనమ్మ అతికష్టం మీద కుమారున్ని చదివిస్తోంది. అయితే రోజు కాలేజీకి వెళ్లి వచ్చే క్రమంలో ఓ యువతిని చూసి ప్రేమించడం మొదలు పెట్టాడు వరుణ్ యాదవ్. తొలిప్రేమ విషయం యువతికి చెప్పగా ఆ యువతి నిరాకరించింది. దీంతో కాలేజీకి వెళ్లి వస్తానని ఇంట్లో చెప్పి మార్గమధ్యంలో ఒక చెట్టుకు ఉరివేసుకుని ఆత్మహత్య చేసుకున్నాడు. చేతికొచ్చిన కొడుకు విగతజీవిగా మారిపోవడంతో ఆ తల్లి గుండెలవిసేలా రోదించారు. ఈ ఘటన ఎంతో మందిని కదిలిస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి