ఇలా ఇటీవలికాలంలో ప్రేమ అనేది ప్రాణాలు పోవడానికి రక్తపాతానికి కేరాఫ్ అడ్రస్ గా మారిపోయింది అని చెప్పాలి. మరీ ముఖ్యంగా నేటి రోజుల్లో రెచ్చిపోతున్న ప్రేమోన్మాదులు అత్యంత దారుణంగా హత్యలు చేస్తూ ఉన్నారు. ఇక్కడ ఇలాంటి తరహా ఘటన వెలుగులోకి వచ్చింది అనే చెప్పాలి. ఏకంగా ప్రేమ వ్యవహారంలో తల్లి కుమార్తె పై ఓ యువకుడు దారుణంగా దాడి చేశాడు. తన వెంట తెచ్చుకున్న బ్లెడ్ తో దాడి చేసి గొంతు కోసేందుకు ప్రయత్నించాడు. ఈ క్రమంలోనే తప్పించుకునేందుకు ప్రయత్నించారు తల్లి కూతుర్లు. ఈ ఘటనలో తీవ్ర గాయాల బారిన పడ్డారు. ఈ ఘటన గుంటూరు జిల్లా కృష్ణా నగర్ లో వెలుగులోకి వచ్చింది.
కృష్ణ నగర్ పోలీస్ స్టేషన్ పరిధిలోని ఓ అపార్ట్మెంట్లో ఈ దాడి జరిగినట్లు తెలుస్తోంది. ఇక ఇలా తల్లీకూతుళ్లపై దాడి చేసిన యువకుడు ఆ తర్వాత రెండో అంతస్తు నుంచి దూకేందుకు ప్రయత్నించాడు. అయితే గమనించిన స్థానికులు అతన్ని పట్టుకుని పోలీసులకు అప్పగించారు. అయితే ఈ ఘటనపై కేసు నమోదు చేసుకున్న పోలీసులు దర్యాప్తు చేస్తూ ఉండడం గమనార్హం. సదరు యువకుడు తల్లీకూతుళ్ల పై దాడి చేయడానికి గల కారణాలు ఏంటి అన్న విషయంపై ఆరా తీస్తున్నారు. ప్రేమే కారణం అయి ఉంటుందని ప్రాథమికంగా అనుమానిస్తున్నారు పోలీసులు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి