కారులో ఇరుక్కున్న చిన్నారి చివరికి ప్రాణాలు వదిలింది. ఈ ఘటన నాగర్ కర్నూల్ జిల్లాలో వెలుగులోకి వచ్చింది. నాగ నూల్ బీసీ కాలనీకి చెందిన అంజమ్మ పట్టణంలో చెత్త కాగితాలు సేకరించడంతో పాటు ఇనుప సామాన్ దుకాణంలో కూలీగా పనిచేస్తూ ఉంటుంది. ఇక ఆమెకు తొమ్మిదేళ్ల కూతురు సుగుణ ఉంది. ప్రభుత్వ పాఠశాలలో నాలుగో తరగతి చదువుతోంది. అయితే ఇటీవలే తల్లి కూలీ పనికి వెళ్ల గా చిన్నారి మధురానగర్ కాలనీ లో చెత్త కాగితాలు సేకరించడానికి వెళ్ళింది. ఈ క్రమంలోనే అదే కాలనీలో నివాసముంటున్న సయ్యద్ ఇమ్రాన్ భాష తన కారును ఇంటి వెనక ఖాళీ స్థలంలో పార్క్ చేసాడు.
అటువైపుగా వెళ్లిన సుగుణ కారు డోరు పట్టుకోగా అది ఎంతో సులభంగా తెరుచుకుంది. ఆ తర్వాత కారులో కూర్చుని డోరు వేసుకుని కూర్చుంది సుగుణ. రాత్రి అయిన బాలిక ఇంటికి రాకపోవడంతో చుట్టుపక్కల వెతికిన తల్లి ఇక చివరికి పోలీసులకు ఫిర్యాదు చేసింది. ఇక అదే రోజు రాత్రి కార్లో నుంచి దుర్వాసన రావడంతో స్థానికులు పోలీసులకు సమాచారం అందించారు. కారులో మృతదేహం ఉంది అన్న విషయాన్ని గుర్తించారు. ఈ క్రమంలోనే సంఘటనా స్థలానికి చేరుకున్న పోలీసులు సమీపంలో, ఇంట్లో ఉన్న సీసీ కెమెరా ఫుటేజ్ ఆధారంగా పలు వివరాలు సేకరించారు. ఇక తల్లి ఫిర్యాదుతో కేసు నమోదు చేసుకుని దర్యాప్తు చేస్తూ ఉండటం గమనార్హం..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి