ఒకప్పుడు స్కూల్ నుంచి ఇంటికి రాగానే హాయిగా స్నేహితులతో ఆడుకోడానికి మైదానం కు వెళ్లేవారు అందరూ. కానీ ఇప్పుడు మాత్రం టెక్నాలజీ వల్ల ఆన్లైన్ గేమ్స్ అందుబాటులోకి రావడంతో కూర్చున్నచోట నుంచి కదలకుండానే అన్ని గేమ్స్ మొబైల్లో ఆడేస్తున్నారు ఆన్లైన్ గేమ్స్ కి బానిసలుగా మారి పోతూ చివరికి తల్లిదండ్రులు మందలించడంతో ప్రాణాలు తీసుకుంటున్న ఘటనలు వెలుగులోకి వస్తున్నాయి. ఇక్కడ ఇలాంటి విషాదకర ఘటన జరిగింది అని చెప్పాలి. కొడుకు తరచు ఫోన్ వాడుతున్నాడు అన్న కారణంతో ఫోన్ లాక్కుంది తల్లి. దీంతో 16 ఏళ్ల బాలుడు బలవన్మరణానికి పాల్పడ్డాడు.
ఈ విషాదకర ఘటన మహారాష్ట్రలోని ముంబైలో వెలుగులోకి వచ్చింది. బాలుడు ఆన్లైన్ గేమ్స్ ఆడుతున్న సందర్భంలో తల్లి ఫోన్ తీసుకొని ముందు చదువుపై దృష్టి పెట్టాలి అంటూ మందలించింది. ఈ క్రమంలోనే కోపానికి గురైన బాలుడు సూసైడ్ నోట్ రాసి పెట్టి ఇంట్లో నుంచి వెళ్లిపోయినట్లు తెలుస్తుంది. బలవన్మరణానికి పాల్పడటానికి ఒక ఇంటి నుంచి వెళ్తున్నాను అంటూ ఆ లేఖలో రాసి ఉంది. ఎప్పటికి ఇంటికి తిరిగి రాను అంటూ లేఖలో పేర్కొన్నాడు. ఇటీవలే రైలు పట్టాలపై మృతదేహం లభించగా అది ఇంటి నుంచి వెళ్లిపోయిన బాలుడిదే అని పోలీసులు నిర్ధారించుకున్నారు..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి