ఇటీవలి కాలంలో పేద వారు సైతం తమ పిల్లల ఆనందం కోసం ఇలాంటివి చేస్తూ ఉన్నారు అన్న విషయం తెలిసిందే. అయితే ఇటీవలే కూతురు పుట్టిన రోజు ఎంతో ఘనంగా జరపాలని నిర్ణయించుకున్నాడు తండ్రి. ఈ క్రమంలోనే చికెన్ వండాలి అంటూ చెప్పాడు. కానీ భార్య మాత్రం ఏమాత్రం పెడచెవిన పెట్టింది. ఇక ఈ చిన్న కారణానికి జరగకూడని దారుణం జరిగిపోయింది. కూతురు పుట్టిన రోజు నాడే చివరికి తల్లి ప్రాణాలు వదిలింది. కోడి కూర వండ లేదన్న కారణంతో భార్యను దారుణంగా చంపేసాడు భర్త.
ఈ ఘటన కర్ణాటకలోని దావణగెరె జిల్లా హరిహర తాలూకాలో వెలుగులోకి వచ్చింది. కెంచప్ప, షీలా లకు 8 ఏళ్ల క్రితం వివాహం జరిగింది. వీరికి ఒక కూతురు ఉంది. ఇటీవలి కాలంలో భార్య ప్రవర్తనపై అనుమానం పెంచుకున్నాడు కెంచప్ప. ఈ క్రమంలోనే తరచూ గొడవలు కూడా జరుగుతూ ఉన్నాయి. ఇక ఇటీవల వీరి కూతురు పుట్టినరోజు కావడంతో చికెన్ వండాలి అంటూ భార్యకు చెప్పాడు భర్త. ఆమె పట్టించుకోలేదు. దీంతో సాయంత్రం ఇంటికి వచ్చినా భర్త కోడికూర ఎందుకు వండలేదు అంటూ ప్రశ్నించాడు. ఈ విషయంలో మాట మాట పెరిగింది. దీంతో తీవ్ర కోపోద్రిక్తుడిగా మారిన భర్త భార్యను హత్య చేశాడు . తర్వాత ఇంటి నుంచి పారిపోయాడు. ఈ ఘటనపై కేసు నమోదు చేసిన పోలీసులు దర్యాప్తు చేస్తున్నారు..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి