ఇటీవల దేశవ్యాప్తంగా ఆందోళనలు చేపడుతున్న అందరూ యువకులు కూడా అటు రైల్వేస్టేషన్ లకు చేరుకుని సృష్టించిన భీభత్సం అంతా ఇంతా కాదు. ఏకంగా రైల్వే స్టేషన్ లో ప్రభుత్వ ఆస్తులను ధ్వంసం చేయడమే కాదు రైళ్లను తగలబెట్టడం లాంటివి కూడా చేశారు. ఈ క్రమంలోనే అప్రమత్తమైనా రైల్వే శాఖ రైళ్ల రాకపోకలను నిలిపి వేసింది అన్న విషయం తెలిసిందే.. ఇలా రైళ్ల రాకపోకలను నిలిపి వేయడంతో ఎంతో మంది సామాన్య ప్రజలు తీవ్ర ఇబ్బందులు ఎదుర్కోవాల్సి పరిస్థితి ఏర్పడింది. ఇక్కడ అగ్నిపత్ పథకానికి వ్యతిరేకంగా జరుగుతున్న ఆందోళనల కారణంగా రైలు నిలిచిపోవడంతో ఒక వృద్ధుడు గుండె ఆగిపోయింది.
ఎంతో ఎమర్జెన్సీగా రైలులో ప్రయాణించాల్సిన వృద్ధుడు వెళ్లకపోవడంతో చివరికి ప్రాణాలు కోల్పోయాడు. ఒడిశాకు చెందిన జోగేష్ బీహారా అనే 70 ఏళ్ల వృద్ధుడు గుండె సంబంధిత చికిత్స కోసం కోర్బా - విశాఖ రైల్లో విశాఖ కు వస్తున్నాడు. కాగా అగ్నిపత్ అల్లర్లలో భాగంగా ఆ రైలును విజయనగరం జిల్లా కొత్తవలస లో నిలిపివేశారు రైల్వే అధికారులు. ఆ వృద్ధుడికి మాత్రం గుండె నొప్పి తీవ్రం కావడంతో కొత్తవలస లోని ఓ ప్రైవేట్ ఆస్పత్రికి తరలించారు. అక్కడ చికిత్స పొందుతూ సదరు వృద్ధుడు మృతి చెందాడు అని చెప్పాలి. ఈ ఘటనతో అటు కుటుంబం మొత్తం విషాదంలో మునిగి పోయింది అని చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి