అయితే ఇక కుక్కల బెడద నుంచి ప్రజలకు రక్షణ కల్పించేందుకు అధికారులు ఎన్ని చర్యలు తీసుకుంటున్న అటు రోజు రోజుకి కుక్కల దాడులకు సంబంధించిన ఘటనలు మాత్రం పెరిగిపోతున్నాయి తప్ప తగ్గడం లేదు. అయితే కొంతమంది కుక్కల దాడిలో గాయాల పాలై చనిపోతుంటే.. ఇంకొంతమంది కుక్కల దాడి నుంచి తప్పించుకునేందుకు ప్రయత్నించి మరో రూపంలో మృత్యువొడిలోకి చేరుతూ ఉన్నారు. ఇక్కడ ఒక బాలుడు కుక్కల దాడి నుంచి తప్పించుకోవాలని ప్రయత్నించి చివరికి మరో రూపంలో ప్రాణాలు కోల్పోయాడు.
ఈ విషాదకర ఘటన తెలంగాణలోని హనుమకొండ జిల్లాలో వెలుగులోకి వచ్చింది అని చెప్పాలి. కమలాపూర్ మండలం మరిపెళ్లి గూడెంలో ఘటన చోటు చేసుకుంది. ధనుష్ అనే విద్యార్థి కుక్కలు వెంట పడటంతో తప్పించుకునేందుకు పరుగులు పెట్టాడు. కానీ మరోవైపు నుంచి దూసుకు వస్తున్న ట్రాక్టర్ ను అతను గమనించలేదు. దీంతో ట్రాక్టర్ కిందపడి చివరికి ప్రాణాలు కోల్పోయాడు. ఇటీవలే స్కూల్ నుంచి చాక్లెట్ కొనుక్కునేందుకు దుకాణానికి వెళ్ళాడు. మళ్లీ తిరిగి వస్తున్న సమయంలో కుక్కలు వెంట పడడంతో తప్పించుకునేందుకు పరుగు పెట్టి ట్రాక్టర్ కిందపడ్డాడు. అతన్ని వెంటనే ఆసుపత్రికి తరలించినప్పటికీ అప్పటికే ప్రాణాలు కోల్పోయాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి